Almatyda qalalyq polısıa departamentiniń 150 qyzmetkeri donor atandy, dep habarlaıdy aqshamnews.kz.
Polisia.kz málimetinshe, respýblıkalyq qan ortalyǵynda uıymdastyrylǵan ıgi shara – kómekke muqtaj jandarǵa qoldaý bildirýdi maqsat etken. Bul bastama – polısıa qyzmetkerleriniń óz mamandyǵyna ǵana emes, adam ómirine degen janashyrlyǵyn, azamattyq boryshyn tereń túsinetinin aıqyn ańǵartty.
– Halyqqa qyzmet etý – qur uran emes. Donor bolý – meıirimdilik pen adamgershiliktiń shynaıy kórinisi. Biz osyndaı ıgi áreketimiz arqyly jastardyń boıyna jaýapkershilik sezimin uıalatqymyz keledi. Polısıa qyzmetkeri bolý – bul tek tártip kúzetý ǵana emes, eń áýeli eldiń tynyshtyǵy men ár adamnyń ómirine qamqor bolý degen sóz, – dedi Almaty qalalyq polısıa departamenti bastyǵynyń orynbasary Ádilǵoja Qusaıynov.
Bul is-shara "Polısıa – Zań men Tártipti kúzetedi" uranymen, sondaı-aq elimizde jarıalanǵan "Profılaktıka jyly" men Qazaqstan polısıasynyń mereıtoıyna arnalǵan jospar aıasynda ótti.