Qalalyq polısıa qyzmetteri men bólimsheleriniń jeke quramy kúsheıtilgen kezekshilik rejımine kóshti.
Almatynyń Ortalyq stadıonynda 12 jeltoqsan kúni ótetin «Astana – Chelsı» fýtbol machy qarsańynda polısıa departamenti qaýipsizdikti qamtamasyz etýge baǵyttalǵan keshendi sharalar qabyldady, dep habarlaıdy aqsamnews.kz Polisia.kz-ke silteme jasap.
– Almaty polısıa departamenti mach kezinde ortalyq stadıonnyń aýmaǵynda jáne oǵan jaqyn jerlerde tártip pen jol qaýipsizdigin qadaǵalaıdy. Qala turǵyndary men qonaqtardyń nazaryna 12 jeltoqsan kúni saǵat 18:30-dan 00:00-ge deıin Abaı dańǵylynyń (Baıtursynov kóshesinen Muqanov kóshesine deıin) kólik qozǵalysy shekteletini, al Sátbaev kóshesiniń (Baıtursynov kóshesinen Baızaqov kóshesine deıin) tolyǵymen jabylatyny týraly eskertemiz. Joldaǵy tártipti saqtaý maqsatynda jaqyn mańdaǵy kóshelerde patrúldik polısıa beketteri qoıylady, – dedi Almaty qalalyq PD jergilikti polısıa qyzmeti basqarmasynyń bastyǵy Serik Shýmaev.
Sonymen qatar jankúıerlerge stadıonǵa erterek kelip, keptelisterdi boldyrmaý úshin qoǵamdyq kólikti paıdalanýǵa keńes beriledi. Fýtbol oıynyna arnalǵan ortalyq stadıonnyń esigi jankúıerler úshin saǵat 18:00-de ashylady.