Urylardy ustaý is-sharasyn krımınaldyq polısıanyń arnaıy toby men polısıanyń arnaıy jasaǵynyń qyzmetkerleri “Arlan” qyzmetkerlerimen birlesip júrgizdi.
Qazirgi ýaqytta páter urlyǵynyń 6 deregine osy “úshtiktiń” qatysy bar ekendigi belgili boldy, dep habarlaıdy Almaty-akshamy.kz Polisia.kz-ke silteme jasap.
«Kúdiktiler qylmys jasap bolǵan boıda ustaldy. Áýezov aýdanynda ornalasqan páterden qaskóıler 1 mıllıon teńgeniń múlkin – eki noýtbýk pen qolma-qol aqshany alyp ketken. Ustaý kezinde polıseıler urlanǵan zattardan basqa, kúdiktilerden kiltter jınaǵyn, jınalmaly pyshaq pen elektroshokerdi tárkiledi. Aıǵaqty zattar tárkilenip, qylmystyq is materıaldaryna qosyldy. Atalǵan derek boıynsha QR QK-niń 188-baby 3-bóligine sáıkes, sotqa deıingi tergeý amaldary bastaldy», – dedi Almaty qalalyq PD krımınaldyq polısıa basqarmasynyń bastyǵy Qýatbek Naýatov.
Aıtpaqshy, kúdiktiler – 30 jastaǵy K.esimdi, J.esimdi jáne K.esimdi azamattar. Olar buryn da osyǵan uqsas múliktik qylmystardy jasaǵany úshin sotty bolǵan. Bul “úshtiktiń” jeke basy basqa da yqtımal qylmystyq epızodtarǵa qatysy bar-joǵyna tekseriletin bolady. QR QK-niń 201-babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77-baby 3-bólimi, 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.