Aǵymdaǵy jyldyń 7 mamyrynda Otan qorǵaýshylar kúniniń qurmetine oraı jáne «Almaty – bizdiń ortaq úıimiz» naýqany aıasynda Kishialmaty shatqalynyń eń ádemi shyńdarynyń biri - Panfılovshy-Batyrlar shyńyna jappaı órmelep shyǵý ótedi, dep habarlaıdy almaty-akshamy.kz
Shyńǵa órmeleý baǵyty Medeý bıik taýly muz aıdynynan (1600 m) jalpy ashylýymen saǵat 05:30-da bastalady jáne «Shymbulaq» taý shańǵysy kýrorty, Tuıyq sý, Myńjylqy shatqaldary, Mánshúk Mámetova muzdyǵy men asýynan, Panfılovshy-Batyrlar shyńyna(4120 m) kóteriledi. Baǵyt óte kúrdeli-qıyndyq sanattary 1A.
Shyńǵa órmeleýdi uıymdastyrýshylar- Almaty qalasynryń Týrızm basqarmasy (Almaty_Tourism Bureau), Almatynyń álpınızm Federasıasy (falp.kz) jáne Almaty men Qazaqstannyń sporttyq týrıser Dostastyǵy (Turclub.kz). Alpınıadaǵa qatysýǵa barlyq nıet bildirýshiler shaqyrylady. Keri baǵytta qatysýshylarǵa «Almaty – bizdiń ortaq úıimiz» naýqany aıasynda baǵyt boıyndaǵy qoqys pen usaq qaldyqtardy jınaýǵa qosylý usynylady.
Qatysýshylar taýdaǵy aýa-raıyna sáıkes jabdyqtalýy kerek, shańǵy taıaqshalaryn paıdalaný usynylady. Alpınıadanyń barlyq qatysýshylary úshin 2023 jylǵy 7 mamyrda saǵat 05:30-dan 08:30-ǵa deıin Medeý – Shymbulaq – Medeý gondolalyq jolynda jol júrý quny 1000 teńgeni quraıdy. Alpınıadany ótkizý qaýipsizdigin Almaty qalasynyń álpınızm federasıasynyń kúshteri jáne Qazaqstannyń taý qutqarýshylar qaýymdastyǵy qamtamasyz etedi.
Panfılovshy-Batyrlar shyńyn alǵash ret 1942 jyly Búkilodaqtyq taý-ken daıarlaý mektebiniń kýrsanttar toby baǵyndyrǵan bolatyn. 2012 jyldan bastap osy baǵyt boıynsha alpınıadalar jyl saıyn ótkiziledi.
İs-shara Almaty qalasynyń halqy men jastaryn belsendi demalys túrlerine, salaýatty ómir saltyn ustanýǵa, qorshaǵan ortaǵa jáne taýlarǵa barý mádenıetine uqypty qaraý qundylyqtaryn qalyptastyrýǵa tartýǵa arnalǵan.
Qosymsha aqparat jáne BAQ akredıtteý úshin Almaty qalasynyń álpınızm Federasıasyna habarlasý qajet, baılanys telefonynyń nómiri: +7 705 808 7312 Elena.
Tirkeý Alpınıada «Almaty 2024» (turclub.kz) saıtynda júrgiziledi.