Qalalyq pallıatıvtik kómek ortalyǵy 170 tósek-orynǵa arnalǵan
Almaty qalasy Qoǵamdyq densaýlyq saqtaý basqarmasy qala turǵyndaryna pallıatıvtik kómekti qaıdan alýǵa bolatynyn aıtty, dep habarlaıdy Almaty-akshamy.kz.
Pallıatıvtik kómek – mamandandyrylǵan emdeý múmkindigi shekteýli nemese taýsylǵan jaǵdaıda sozylmaly aýrýlardyń túrli nozologıalyq túrlerimen aýyratyn naýqastardyń ómir súrý sapasyn jaqsartýǵa arnalǵan densaýlyq saqtaý salasynyń biri.
Buǵan qaterli isik aýrýlary, baýyr aýrýy, tynys alý jáne júrek jetkiliksizdigi, ınsýlttan keıingi zardaptar, aýyr jaraqattar jáne t.b. pasıentter jatady.
Kóbinese saǵat saıynǵy kútimdi qajet etetin aýrýlarmen aýyratyn pasıentterdiń jaqyndarynyń olara kútim jasaýǵa fızıkalyq túrde ýaqyty bola bermeıdi. Onyń ústine mundaı kómek jaqyn adamdardyń moraldyq daıyn bolýyn talap etedi.
Eger adamdy emdeý múmkin bolmasa, bul oǵan kómektesýge bolmaıdy degendi bildirmeıdi.
Pallıatıvtik kómektiń negizgi mindeti – aýrýdy jeńildetý jáne aýrýdyń basqa da aýyr belgilerin azaıtý, medbıkelik kútim, pasıentterge jáne olarǵa kútim jasaıtyn jaqyndaryna qoldaý kórsetý.
«Pallıatıvtik medısınalyq kómek qala turǵyndaryna tegin medısınalyq kómektiń kepildik berilgen kólemi sheńberinde Qalalyq pallıatıvtik kómek ortalyǵynda tegin kórsetiledi. Emdeýge jatqyzý tirkelgen emhananyń joldamasy boıynsha josparly tártippen Emdeýge jatqyzý búrosynyń portaly arqyly júzege asyrylady» – dep atap ótti Qoǵamdyq densaýlyq saqtaý basqarmasynyń emdeý-profılaktıkalyq qyzmeti bóliminiń basshysy Laıla Imanǵalıeva.
Qalalyq pallıatıvtik kómek ortalyǵy 170 tósek-orynǵa arnalǵan. Ortalyqta 5 bólimshe qyzmeti kórsetedi.
Qalada 2025 jylǵa qaraı aýyr sanattaǵy pasıentterdiń turýyna barlyq jaǵdaı jasalǵan zamanaýı pallıatıvtik kómek ortalyǵyn salý josparlanǵan.
Pallıatıvtik kómekti Almatynyń Ortalyq qalalyq klınıkalyq aýrýhanasynan aqyly negizde alýǵa bolady, onda qazan aıynan bastap pasıentterdi uzaq ýaqyt emdeý bólimshesi ashylǵan.
Pasıent jáne onyń jaqyndary úshin medısınalyq kómek nemese áleýmettik demalys qajet bolǵanda OQKA aqyly uzaq merzimdi bólimshesinde qalýǵa múmkindigi bar.
Sonymen qatar, pallıatıvtik kómek sheńberinde Qalalyq onkologıalyq ortalyqta emdelmeıtin qaterli isik dıagnozy bar adamdarǵa medısınalyq-psıhologıalyq kómek kórsetý boıynsha kóshpeli mobıldi brıgada jumys isteıdi.
Onkologıalyq brıgada 4 klınıkalyq toptaǵy pasıentterdi jazylmaıtyn derttiń termınaldi satysyna aýystyratyn qalalyq emhanalarda aýdandyq onkologtarmen tikeleı jumys istep, tegin kómek kórsetedi.
Pasıentterdiń týystary men pasıentterdiń ózderi: 8 708 973 03 03 jedel jeli nómirine habarlasa alady.
Mobıldi onkologıalyq brıgada pasıentterdi patronajǵa qabyldaıdy, úı jaǵdaıynda aýyrsynýdy jáne basqa da aýyr belgilerdi jeńildetýdi qamtamasyz etedi, preparattardyń janama áserlerin jáne isikke qarsy emdeýdi baqylaıdy.
Árbir pasıentke jeke jaǵdaıda qarap, emdeıdi.