Bıyl Qazaqstan Respýblıkasy Qarýly Kúshteriniń 32 jyl toldy. Otan qorǵaýshy kúni qarsańynda Almatynyń barlyq mektebinde «Erlik sabaqtary», synyp saǵattary, oqyrmandar men esseler baıqaýlary jáne t.b. ótedi, dep habarlaıdy Almaty-akshamy.kz
Merekelik is-sharalar qala aýdandarynda ótedi:
Áýezov aýdanynda 3 mamyr kúni saǵat 10:00-de B.Momyshuly atyndaǵy Almatydaǵy «Jas ulan» respýblıkalyq áskerı mekteptiń bazasynda «Urandy eldiń urpaǵy qaısar» merekelik is-sharasy ótip, teatrlandyrylǵan qoıylym kórsetiledi.
Túrksib aýdanynda 6 mamyr kúni saǵat 15:00-de QR Qurlyq áskerleri Áskerı ınstıtýtynyń bazasynda kórkemóner ujymdary men áskerı bólimderdiń qatysýymen konsert ótedi.
Naýryzbaı aýdanynda 6 mamyr kúni Aqjar shaǵyn aýdanynda Dáýletkereı kóshesi 178, 2027 áskerı bóliminiń aýmaǵynda saǵat 10:00-de áskerı qyzmetshilerdi marapattaý jáne sarbazdardyń ant qabyldaý rásimi ótedi.
Bostandyq aýdanynda 7 mamyr kúni saǵat 09:00-de Popov 1a mekenjaıynda «El erteni-búgingi jastary» atty saltanatty is-shara ótedi. İs-shara barysynda áskerı qyzmetshilerdi marapattalyp, qonaqtar úshin saptyq marsh uıymdastyrylady.
Almaly aýdanynda 6 mamyrda saǵat 11:00-de №120 gımnazıada «Jas sarbaz» (9-11 synyptar arasynda) áskerı-sporttyq oıyndarynyń jarysy ótedi. 6 mamyrda saǵat 13:00-de №55 JBBM-de (7-9 synyptar arasynda) Sap jáne án baıqaýy bolady.
Jetisý aýdanynda 7 mamyr kúni saǵat 11:00-de Raıymbek dańǵyly, 235 (Ortalyq zırat) mekenjaıyndaǵy «Belgisiz sarbazdyń qabiri» eskertkishine gúl shoqtary qoıylady.
Alataý aýdanynda 7 mamyr kúni saǵat 11:00-de aýdan ákimdigi ǵımaratynyń aldynda «Er esimi – El esinde» eskertkishine gúl shoqtary qoıylady.