Aǵymdaǵy jyldyń 2-7 maýsymy aralyǵynda Almatyda tájirıbe almasý, mańyzdy máselelerdi talqylaý jáne seriktestik qatynastardy ornatý úshin biregeı alań bolyp tabylatyn Eurasiadoc Ortalyq Azıa jáne eýropa elderiniń derekti fılmder forýmy ótýde.
Fransıanyń QR-daǵy Bas konsýly Fabrıs Neveniń qatysýymen forýmnyń resmı ashylý rásimi 5 maýsymda saǵat 09:00-de «Almaty creative» kreatıvti ındýstrıalardy damytý ortalyǵynda ótedi, dep habarlaıdy Almaty-akshamy.kz
«Ashylý saltanatynda Ortalyq Azıa men Eýropanyń prodúserlik ortalyqtary, televızıalyq jáne kınokompanıalary tanystyrylady. Sondaı-aq Armenıa, Qyrǵyzstan, Qazaqstan, Ózbekstan jáne Tájikstannan 12 derekti joba usynylady. Maqsat ― derekti fılmderdi birlesip shyǵarý múmkindikterin ashý úshin ártúrli elderdiń mamandaryn biriktirý", - dedi DocMonde baǵdarlamasynyń menedjeri Bıanka Fonte.
«Almaty Creative» kreatıvti ındýstrıalardy damytý ortalyǵy bas dırektorynyń orynbasary Baqyt Elýbaeva atap ótkendeı, EurasiaDOC derekti kıno forýmy Mádenı is-sharalar kúntizbesindegi oqıǵa ǵana emes, sonymen qatar kreatıvti aqyl-oılardy Biriktirý, seriktestik baılanystardy qalyptastyrý jáne Ortalyq Azıa elderinde derekti kınematografıany damytýdy qoldaý úshin mańyzdy alań bolyp tabylady.
«Almaty qalasynyń kreatıvti ındýstrıalaryn qoldaý bizdiń qoǵamdaǵy ınovasıalar men mádenı ártúrlilikti yntalandyrýdaǵy strategıalyq qadam bolyp tabylady», ― dep qosty ol.
Derekti fılmder forýmy Almaty, Markov kóshesi, 44 mekenjaıy boıynsha ótkiziledi