Jigit jelige júkteý úshin qyzyqty vıdeo túsirmek bolǵan
Almatyda Lexus kóliginiń jolaýshysy terezeden beline deıin shyǵyp alyp, qatar kele jatqan kólikti telefonyna túsirgen. Jol qozǵalysy erejelerin óreskel buzý faktisi tirkelgen vıdeoǵa qatysty polısıa túsinikteme berdi, dep habarlaıdy Almaty-akshamy.kz.
Boljam boıynsha, jigit jelige júkteý úshin qyzyqty vıdeo túsirmek nıette óz ómirin qaterge tikken. Ol terezeden belýaryna deıin shyǵyp, qatar kele jatqan kólikti telefonyna túsirgen.
Almaty qalalyq polısıasy quqyq buzýshy azamatqa qatysty QR ÁQbK-niń 593-baby 1-bóligi jáne QR ÁQbK-niń 593-baby 2-bóligi boıynsha ákimshilik hattamalar toltyrylǵanyn jetkizdi.
Júrgizýshi óz kinásin tolyqtaı moıyndaǵan.
"Sonymen qatar, onymen aldaǵy ýaqytta jol qozǵalysy erejelerin buzýdyń aldyn alý jóninde zańgerlik túsindirý jumystary júrgizildi",- delingen habarlamada.