Májilis depýtattarynyń óńirlerge jumys saparynyń birinshi aptasy halyqpen kedzdesýge toly boldy. Áleýmettik sala men Almaty qalasy boıynsha partıanyń saılaýaldy baǵdarlamasyna engen nysandar halyq qalaýlylarynyń basymdyǵyna aınaldy, dep habarlaıdy Almaty-akshamy.kz
Mysaly, májilismender Bekqalı Torǵaev pen Artýr Platonov jedel medısınalyq kómektiń mamandandyrylǵan avtokólik kásipornyn aralaý barysynda halyqtyń qajettilikterin tolyq qamtamasyz etý úshin megapolıske qosymsha taǵy 7-9 qosalqy stansıa qajet ekenin anyqtady. Al densaýlyq saqtaý mınıstrliginiń sanattardy alyp tastaý baǵdarlamasyndaǵy aldaǵy ózgerister dárigerlerdiń jalaqysynyń aıtarlyqtaı tómendeýine ákelýi múmkin.
Almatyda sıntetıkalyq esirtki zattarynyń jappaı taralýy – zańnamalyq deńgeıde eleýli jumys isteý úshin taǵy bir sebep. Bul týraly «NarkoStop» qozǵalysynyń belsendilerimen kezdesken eń jas Májilis depýtaty Mádı Ahmetov habarlady. Májilismenniń aıtýynsha, bul áleýmettik-ekonomıkalyq zulymdyq búkil el boıynsha qarqyn alýda, óıtkeni sońǵy úsh jyldaǵy statısıka únemi ósip keledi jáne sıntetıkalyq esirtkige táýeldi jastar sany 2,5 ese ósti.
Múgedektigi bar almatylyqtarǵa derbestik pen ekonomıkalyq táýelsizdikke qol jetkizýge kómek kórsetetin «Ten Qogam» áleýmettik qoldaý ortalyǵyna barǵan depýtattar Aıgúl Quspan men Juldyz Súleımenova múmkindigi shekteýli adamdardyń jaǵdaıyn bildi. «Zańnamada múgedektigi bar adamdar úshin jan-jaqty jaǵdaı jasaý boıynsha is-sharalar kózdelgen, biraq olardyń kúndelikti ómirde aıtarlyqtaı qıyndyqtarǵa tap bolǵany barlyǵyna aıan», - dep atap ótti májilisvýmen Aıgúl Quspan.
Sonymen qatar, májilismender óńirdi Nur Otan partıasynan saılanǵan Almaty qalasy máslıhatynyń depýtattarymen birlese baqylaýda.
«Bul bizdiń Almatydan kelgen májilismendermen ekinshi praktıkalyq kezdesýler. Máslıhat depýtattary úshin mundaı kezdesýler komýnıkasıalardy damytý jáne saıası jumys tájirıbesimen tolyqtyrý jónindegi sheberlik saǵattary ispetti. Óńirdegi birlesken is-sharalardy aıaqtaı otyryp, biz problemalyq máselelerdi odan ári ekijaqty pysyqtaýdy jalǵastyramyz. Bul bar problemalardy sheshý jónindegi bastamalar men usynystardy jan-jaqty ári sapaly qaraýǵa berilgen múmkindik», - dep atap ótti depýtat Ásıa Aqanova jedel medısınalyq járdemniń mamandandyrylǵan avtokólik kásipornyn birlesip aralaý barysynda.