QR Bas prokýratýrasy 1-qyzmet bastyǵynyń orynbasary Eldos Qılymjanov osylaı dedi.
Qańtar oqıǵasy boıynsha sottyń sanksıasymen 469 adam qamaýda otyr, dep habarlaıdy Almaty-akshamy.kz Qazaqparatqa silteme jasap.
«Ótken jolǵy brıfıńte memlekettik nysandarǵa shabýyl jasaýshylardyń is-áreketteri terorızm aktileri jáne jekelegen tulǵalardyń is-áreketteri jappaı tártipsizdikterge qatysý retinde saralanatyn jaǵdaılar týraly aıtyldy. Vedomstvoaralyq tergeý toby arnaıy prokýrorlardyń basshylyǵymen atalǵan sanattaǵy 91 isti tergeýde, onyń ishinde terorızm aktileri boıynsha – 46 jáne jappaı tártipsizdikter boıynsha - 45. Bul isterdi tergeý aıasynda sottyń sanksıasymen 469 adam qamaýda otyr», - dedi E. Qılymjanov.
Onyń aıtýynsha, jeke basyn, jasalǵan qylmystaǵy rólin, tergeýge járdemdesýdi eskere otyryp, 128 kúdiktige qatysty qamaýda ustaý eshqaıda ketpeý týraly qolhatqa, kepilge jáne jeke kepilgerlikke aýystyryldy.