Kúdiktilerdiń biri sportshy, taekvandomen aınalysqan
Almatyda 22 jáne 23 jastaǵy qyzdar áleýmettik jeli arqyly alaıaqtyq jasady degen kúdikpen ustaldy, dep habarlaıdy Almaty-akshamy.kz qalalyq PD-ne silteme jasap.
Barlyǵy belgili blogerdiń alaıaqtyq týraly Áýezov aýdandyq polısıasyna aryzdanýynan bastaldy. Onyń aıtýynsha, eki boıjetken naýqas balaǵa kómek suraı otyryp, qoldan jasalǵan qujattardy paıdalanyp, paraqshasyna post jarıalaýǵa kóndirgen. Blogerdiń úlken aýdıtorıasy janashyrlyq tanytyp, kómekke shaqyrýdy nazardan tys qaldyrmaı, belsendi túrde qarajat aýdara bastady.
«Qabyldanǵan sharalardyń qorytyndysy boıynsha osy qylmysqa kúdiktiler anyqtaldy jáne ustaldy. Olar Aqmola oblysynyń turǵyndary. Alǵashqy jaýap alýda qyzdar óz is-áreketterin moıyndady. Atalǵan derek boıynsha tergeý amaldary júrgizilýde», – dedi Áýezov aýdandyq PB-na qarasty polısıa bólimi bastyǵynyń orynbasary Tımýr Mýlınov.
Kúdiktilerdiń biri sportshy, taekvandomen aınalysqan. Buryn onyń zańmen máseleleri bolǵan jáne urlyq úshin jaýapqa tartylǵan. Onyń qurbysy S.esimdi azamatsha – manıkúr jasaý sheberi. Qazir tergeýshiler bul derekten basqa da epızodtar bar-joǵyn anyqtap jatyr.