Qylmystyq top nárestelerdi 1-2 mln teńgege baǵalaǵan.
İİM Uıymdasqan qylmysqa qarsy kúres basqarmasynyń basshysy Qanat Nurmaǵambetovtiń aıtýynsha, Almatyda jańa týǵan nárestelerdi satqan qylmystyq top músheleri ustaldy, dep habarlaıdy Almaty-akshamy.kz
«Bıylǵy tamyzda Almatyda jańa týǵan nárestelerdi zańsyz asyrap alý maqsatynda satý faktileri anyqtaldy. Qabyldanǵan sharalar nátıjesinde bul iske aýdandyq AHAJ bólimi qyzmetkeriniń qatysy bary anyqtalǵan. Ol sábılerin tastap ketkisi keletin júkti áıelder men balalary joq erli-zaıyptylardy izdeýmen aınalysqan. Sondaı-aq qylmystyq top balalardyń jalǵan týý týraly kýálikterin jasaǵan», – dedi spıker.
Qylmystyq top nárestelerdi 1-2 mln teńgege baǵalaǵan. Al jalǵan qujat jasaý men anyqtamaǵa 700 myń teńge suraǵan.
«Búgingi tańda ustalǵandardyń jańa týǵan nárestelerdi satýdyń 6 faktisine qatysy bary anyqtaldy. Atalǵan fakti negizinde «Kámeletke tolmaǵandardy saýdalaý» baby boıynsha sotqa deıingi tergeý amaldary bastaldy. Bes kúdikti ustaldy, barlyǵy qamaýǵa alyndy», – dedi spıker.