Talaıdy san soqtyrǵan is onlaın formatta ótip jatyr.
Qarjy pıramıdasy boıynsha kúdiktiler sany – 12 adam. Olardyń ishinde tanymal bloger Meıirjan Tórebaev pen Meıirhan Shernıazov bar. Taǵy bir bloger Ázimjan Saıdbaevqa izdeý jarıalanǵan. Sot otyrysynda zardap shekkender kezegimen suralyp jatyr, dep habarlaıdy Almaty-akshamy.kz.
Jábirlenýshilerdiń qarjy pıramıdasyna salǵan qarajaty 1 mln teńgeden bastap 10 mln-nan asady. Mysaly, Eldıar Ismaılov esimdi zardap shegýshi Astexs.kz kompanıasyna 85 mln teńge salǵan. Onyń 39 mln-nyn ǵana qaıtaryp alypty. Taǵy bir zardap shegýshi Nurlan Aıdarbekuly 163 mln teńge berip, bir tıynyn da qaıtara almaǵan. Uıymdasqan qylmys boıynsha basty kúdiktiler salymshylarǵa aıyna 20%, jylyna 240% tabys ýáde etken. Osy qarjy pıramıdalaryna aldanǵandardyń sany 200 adamnan asady.