Eki myńnan astam adamǵa izdeý jarıalandy.
16 myń qazaqstandyqtyń elden shyǵýyna tyıym salynǵan, dep habarlaıdy Almaty-akshamy.kz
Qazaqstanda alıment tóleýden qashyp júrgen adamdardyń qaryzy 14 mlrd teńgege jetti. Olardyń arasynda áıelder de bar.
Sot oryndaýshylardyń óndirisinde alımentke qatysty 305 myńǵa jýyq is jatyr. Alıment tólemeýden Astana jáne Almaty qalasy aldyńǵy orynda tur.
«Alımentti az tóleý úshin eńbekaqysyn 70 myń dep kórsetetinder óte kóp. Ózge aılarda 500 myńnan eńbekaqy alǵandar dál alıment tóleıtin kezde birden aıyna 60-70 myń teńge alatyn bolyp shyǵa keledi. Balasyna alıment tólemeý úshin múlki men bıznesin basqa adamǵa jazatyndar da kóp», - deıdi mamandar.
Mundaı sheshimi qıyn alıment máselesin sot oryndaýshylar da alǵysy kelmeıtin kórinedi.
Zań tipti jumyssyzdardy da alıment tóleýge mindetteıdi. Sonymen qatar boryshkerge qylmystyq is qozǵaý úshin úsh aı ǵana aqsha aýdarmaý jetkilikti.
«Eń jeńil jaza boıynsha boryshker qoǵamdyq jumystarǵa tartylýy múmkin, eń aýyry, eki jylǵa deıin bas bostandyǵynan aıyrylady. Ótken jyly ǵana alıment tólemegen júzden astam qazaqstandyq sot arqyly qylmystyq jaýapkershilikke tartyldy», - deıdi Astana qalasy boıynsha jeke sot oryndaýshylar óńirlik palatasynyń basshysy Salamat Ádilbekuly.