Saıysta aq halattylar eki topqa bólindi.
Almaty qalasynyń Áýezov aýdanynda shahmattan qalalyq jarys ótti, dep habarlaıdy Almaty-akshamy.kz Almaty.tv silteme jasap.
«Úzdik shahmatshy – 2022» týrnırine medısına qyzmetkerleri qatysty. Dárigerlerdiń tól merekesi qarsańynda uıymdastyrylǵan sharanyń basty maqsaty – salaýatty ómir saltyn nasıhattaý. Saıysta aq halattylar eki topqa bólinip, aınalmaly júıe boıynsha synǵa tústi.
«Shahmat týrnırinde 8 aýdannyń túrli densaýlyq saqtaý mekemesinen 16 medısına qyzmetkeri bas qosty. Qorytyndy oıyn men tabandy kúresten keıin 3 oryndy ıelenip alatyn jeńimpazdar aldaǵy ýaqytta marapattalatyn bolady», – dedi Qoǵamdyq densaýlyq basqarmasynyń baspasóz hatshysy Aqsholpan Qaldanqyzy.