Qańtar oqıǵasy boıynsha 5 myńnan astam qylmystyq is qozǵaldy.
Ulttyq qaýipsizdik komıteti «Qańtar sabaqtary» derekti fılmin jarıalady, dep habarlaıdy Almaty-akshamy.kz.
Kýágerler Mańǵystaýdaǵy oqıǵalar qalaı bastalǵanyn jáne jappaı tártipsizdikti toqtatý úshin qandaı sharalar atqarylǵanyn aıtyp berdi.
Alańǵa jınalǵanyn halyqtyń psıhologıasyn zertteýge týra keldi.
Oblystyq máslıhat depýtaty Aıat Súgirbaıdyń aıtýynsha, Mańǵystaýdaǵy halyqty taratýǵa týystyq qarym-qatynas ta kómektesti.
«Biz alańda qandaı ujymdar bar? Olardyń kóshbasshylary kim? Kimderdiń yqpaly júredi? Osynyń bárin taldaýǵa kiristik. Sosyn óńirimiz qazaqı bolǵannan keıin aǵaıyn-týma, quda-jekjat degen sıaqty qarym-qatynasymyz jaqsy ról oınap ketti. Sebebi qarǵa tamyrlas qazaqpyz ǵoı. Aǵaıyn-týmamyz bar, basqamyz bar. Bir rýdyń ishinde syılaıtyn aqsaqaldarymyz bar. Sol kisilerge qolqa saldyq, eshkimniń soıylyn soqpaımyz, eshqandaı saıası toptardyń múddesine jumys jasamaımyz, bir ǵana múddemiz bar, ol – eldiń birligi dep aıttyq. Dúnıe-múlik buzylmaýy kerek degen maqsat ustandyq», - deıdi Súgirbaı.
Mańǵystaýlyqtar birneshe kúnnen keıin tarady.
Alaıda eldegi jaǵdaı tynyshtalǵan joq. Gazdan bastalǵan tolqý respýblıkanyń jartysyna tarap ketti.
Bas prokýratýranyń málimetine sáıkes, osy ýaqytqa deıin qańtar oqıǵasy boıynsha 5 myńnan astam qylmystyq is qozǵaldy.
Fılmde zardap shekken polıseıler soqqyǵa qalaı jyǵylǵanyn da aıtyp berdi. Qaza tapqan tártip saqshylardyń týǵan-týystary suhbat berdi.
Al prokýrorlar tergeý sharalarymen tanystyrdy.