Almatyda polısıa kólik quraldarynyń tehnıkalyq baıqaýyn formaldy nemese jalǵan túrde ótkizýdiń aldyn alý sharalaryn kúsheıtpek.
Jol qozǵalysyn baqylaý barysynda ýákiletti organdar kólik quraldarynyń tehnıkalyq jaǵdaıyn baǵalaý sapasyna jáne onyń shynaıylyǵyna qatysty birqatar olqylyqtardy anyqtady, - dep habarlaıdy Aqshamnews.kz.
Bul derekter profılaktıkalyq sharalardy kúsheıtý qajettigin jáne qala joldarynda "Zań jáne tártip" qaǵıdatyn qatań saqtaý mańyzdylyǵyn aıǵaqtaıdy.
- Jol qozǵalysynyń qaýipsizdigi eń aldymen tehnıkalyq turǵydan jaramdy kólikten bastalady. Tehnıkalyq baıqaýdy formaldy túrde ótkizýge jol berilmeıdi. Biz zań aıasynda áreket ete otyryp, qala kóshelerine shyqqan árbir avtokóliktiń qaýipsizdik talaptaryna tolyq sáıkes bolýyn qamtamasyz etemiz, – dedi Almaty qalasy polısıa departamenti ákimshilik polısıa basqarmasynyń bastyǵy Asqat Qulbaev.
Sonymen qatar polısıa ókilderi 2025 jyl quqyq buzýshylyqtardyń aldyn alý jyly bolyp jarıalanǵanyn eske sala otyryp, kólik quraldaryn paıdalanýǵa jiberý kezeńinde zań buzýshylyqtardyń aldyn alýǵa aıryqsha nazar aýdarylatynyn atap ótti.