Almaty qalasynyń ekologıa jáne qorshaǵan orta basqarmasy «Jasyl aýla» naýqanynyń bastalǵandyǵyn habarlaıdy. 30 naýryzdan bastap qala turǵyndarynan kópqabatty úılerdiń aýlasy men qoǵamdyq keńistikterdi kógaldandyrý úshin japyraqty kóshetterdi alýǵa ótinimder qabyldanady. Kóshetter tegin beriledi, dep habarlaıdy almaty-akshamy.kz
Naýqan aıasynda bir adamǵa 20-ǵa deıin kóshet bólinedi, bul rette ótinish berýshi otyrǵyzylǵan aǵashtardy aldaǵy úsh jyl boıy kútip-baptaý týraly kepildi mindettemege qol qoıýy tıis.
Ótinimderdi qabyldaý 2024 jylǵy sáýirdiń 8-ne deıin jalǵasady. Kórsetilgen ýaqyttan keıin joldanǵan ótinishter qabyldanbaıdy.
Qatysý úshin Jasyl.aula.almaty@gmail.com elektrondy poshtasyna kelesi málimetterdi joldaý qajet:
1. Qatysýshynyń aty-jóni men telefon nómiri, aǵash otyrǵyzylatyn orynnyń naqty mekenjaıy;
2. Aǵash otyrǵyzylatyn orynnyń fotosy (mamandarǵa oryndy tolyqtaı baǵalaýǵa múmkindik bolýy úshin panoramalyq formatta bolǵany jón);
3. Suralyp otyrǵan kóshet sany.
Kóshetterdi taratý Almaty q., Áýezov aýdany, Iýrıı Kım k-si, 9 («Eco Almaty» JSHS) mekenjaıynda 2024 jyldyń 13, 14 sáýirine josparlanǵan. Otyrǵyzylǵan kóshetterdiń sýretin jiberý qajet.
Qosymsha aqparat alý úshin Almaty q. Ekologıa jáne qorshaǵan orta basqarmasynyń Jasyl qordy basqarý jáne monıtorıń bólimine myna baılanys nómirleri boıynsha habarlasýǵa bolady: +7707 546 1770, +7 727 390 41 17.