Múgedektigi bar adamdardyń múddelerin qorǵaý maqsatynda QR Eńbek jáne halyqty áleýmettik qorǵaý mınıstrligi Áleýmettik qyzmetter portalynda ornalastyrylatyn tehnıkalyq quraldardy jáne ońaltý qyzmetterin berýshilerge qoıylatyn talaptardy kúsheıtýdi josparlap otyr.
Tıisti buıryqtarǵa ózgerister jobasy «Ashyq NQA» portalynda ornalastyrylǵan, dep habarlaıdy Almaty-akshamy.kz Eńbek jáne halyqty áleýmettik qorǵaý mınıstrligine silteme jasap.
Atap aıtqanda, qyzmetterdi alýshyǵa taýardy ýaqtyly jetkizýdi qamtamasyz etý úshin buıryq jobasynda jetkizýshiniń Áleýmettik qyzmetter portaly arqyly ótkiziletin taýardy jetkizý úshin kýrerlik qyzmetke 3 jumys kúni ishinde berý merzimin belgileý kózdeledi.
Áleýmettik qyzmetter portalynda Tehnıkalyq kómekshi (kompensatorlyq) quraldardyń, arnaýly júrip-turý quraldarynyń jáne múgedektigi bar adamdarǵa kórsetiletin qyzmetterdiń synyptaýyshyna sáıkes kelmeıtin taýarlardyń jáne/nemese kórsetiletin qyzmetterdiń ótkizilýin boldyrmaý maqsatynda Áleýmettik qyzmetter portalynda qosymsha sharttardy, aksıalardy, taýarlardy jáne aqshalaı syıaqylardy ornalastyrý boıynsha shekteýler kózdelgen.
Múgedektigi bar adamdardyń Áleýmettik qyzmetter portalynda qajetti OTQ tańdaýyna yńǵaıly bolý úshin ónim berýshi taýardy qaıta ornalastyra almaıdy.
Budan basqa, qyzmet kórsetýdiń ashyqtyǵyn qamtamasyz etý maqsatynda buıryq jobasynda múgedektigi bar adamnyń sanatorıılik-kýrorttyq uıymǵa kelgen kúnin belgileý tetigi qarastyrylǵan.
Jobany qabyldaý múgedektigi bar adamdardyń quqyqtaryn qamtamasyz etýge jáne ómir súrý sapasyn jaqsartýǵa yqpal etetin bolady.
QR Eńbek jáne halyqty áleýmettik qorǵaý mınıstriniń «Qazaqstan Respýblıkasy Premer-Mınıstriniń orynbasary – Eńbek jáne halyqty áleýmettik qorǵaý mınıstriniń 2023 jylǵy 30 maýsymdaǵy № 283 buıryǵyna ózgerister men tolyqtyrýlar engizý týraly «Múgedektigi bar adamdy abılıtasıalaýdyń jáne ońaltýdyń jeke baǵdarlamasyna sáıkes múgedektigi bar adamdar men múgedektigi bar balalarǵa sanatorıılik-kýrorttyq emdeýdi usyný qaǵıdalaryn bekitý týraly» jáne «Taýarlardy jáne (nemese) kórsetiletin qyzmetterdi berýshilerdi áleýmettik kórsetiletin qyzmetter portalynda tirkeý nemese olardy tirkeýden shyǵarý, sondaı-aq taýarlardy jáne (nemese) kórsetiletin qyzmetterdi áleýmettik kórsetiletin qyzmetter portalyna jiberý qaǵıdalaryn bekitý týraly» Qazaqstan Respýblıkasy Premer-Mınıstriniń orynbasary – Eńbek jáne halyqty áleýmettik qorǵaý mınıstriniń 2023 jylǵy 30 maýsymdaǵy № 285 buıryǵynyń jobasymen myna silteme boıynsha tanysýǵa bolady: https://legalacts.egov.kz/npa/view?id=14998667