Almaty komúnıtı-ortalyqtary Otbasy bankpen birlesip, jastarǵa arnalǵan qarjylyq keńes berý baǵdarlamasyn iske qosty, dep habarlaıdy aqshamnews.kz
Almaty qalasyndaǵy komúnıtı-ortalyqtary Otbasy bankpen birlesip, jastarǵa arnalǵan jeke qarjylyq keńes berý baǵdarlamasyn bastady. Bul bastama jastardyń qarjylyq saýattylyǵyn arttyryp, óz qarajatyn tıimdi basqarýǵa kómektesýge baǵyttalǵan.
Baǵdarlama aıasynda qatysýshylar qarjy salasyndaǵy ózekti aqparattardy alyp, jeke búdjet júrgizýdiń negizgi qaǵıdalaryn meńgeredi. Sarapshylar kirister men shyǵystardy durys basqarý joldaryn túsindirip, jınaq jasaý, nesıe alý, ınvestısıa salý týraly mańyzdy keńester beredi. Jastar ózderin qyzyqtyrǵan suraqtaryn qoıyp, qarjylyq turaqtylyqty qalyptastyrýǵa arnalǵan praktıkalyq usynystar ala alady.
Keńes alýǵa komúnıtı ortalyqtardyń jumys kestesine sáıkes kelýge bolady. Keńes berý kúnin bilý úshin ózińizge yńǵaıly komúnıtı ortalyqqa baryp, tolyq aqparat alýǵa bolady.
Almaty qalasy Jastar saıasaty basqarmasynyń aqparaty boıynsha, bul joba jastardyń qarjylyq saýatyn arttyryp, qarjylyq táýelsizdikke qol jetkizýine múmkindik berýge baǵyttalǵan.