Búgin qazaq tilinde alǵash ret jazylǵan «Jasandy ıntellekt álippesi» kitabynyń tusaýkeser saltanaty ótti, – dep habarlaıdy alqshamnews.kz.
Sharaǵa zıaly qaýym ókilderi, baspa isi men qazaq tiliniń janashyrlary, jýrnalıser jáne jastar qatysty. Smart Point-ta ıne shanshar jer bolmady – oryn jetpegender túregep turyp, elimiz úshin mańyzdy týyndynyń tanystyrylymyn tamashalady.
Kitap avtory – JI salasyn birneshe jyldan beri zerttep kele jatqan bilikti maman Meıirjan Áýelhanuly. Ol jınalǵan qaýymǵa kitapty jazýǵa ne túrtki bolǵany, qandaı qıyndyqtarǵa tap bolǵany týraly baıandady. Tusaýkeserden keıin avtor oqyrmandardyń suraqtaryna jaýap berdi. Suraqtar ulttyq jáne aqparattyq qaýipsizdik, otandyq JI áleýeti, kitap jazý úrdisi, sondaı-aq JI salasyndaǵy táýekelder men múmkindikter sekildi túrli taqyryptardy qamtydy.
Kitaptyń redaktory – belgili jýrnalıs, qalamger, pýblısıs Qaınar Oljaı. Ol JI salasyna qatysty qazaq tilindegi termınderdi qalyptastyrý qajettigin atap ótip, osy baǵytta júıeli jumys júrgizý kerektigin usyndy.
Jalpy, JI salasy elimizde endi ǵana damyp keledi. Ásirese qazaq tildi aýdıtorıa úshin bul óte qajet kitap. Osyny eskergen avtorlar kitapty tek baspa túrinde ǵana emes, arnaıy «AI-Hub» saıtyn ashyp, sıfrly formatta da usynýdy qolǵa alǵan.