Almatyda «Jaıly mektep» ulttyq jobasyn iske asyrý aıasynda 37 myńnan astam oqýshy orny qurylady, dep habarlaıdy almaty-akshamy.kz
Almatyda «Jaıly mektep» ulttyq jobasynyń iske asyrylý barysy qala ákimi Erbolat Dosaevtyń, orynbasarlarynyń, qala aýdandary ákimderiniń, basqarmalary basshylarynyń, «Almatybasjospar» ǴZI» JSHS, «Samruk-Kazyna Construction» AQ jáne t.b. ókilderdiń qatysýymen ótken jıynda talqylandy.
Jańa 22 mektep 37 100 oqýshy ornymen qamtamasyz etedi – olardyń qurylysy qalanyń ártúrli aýdanynda josparlanǵan. Ákimdik qalany bilim berý mekemelerimen qamtamasyz etýdiń 3 tetigin paıdalanady: memlekettik tapsyrys, jer telimi ıeleri salǵan mektepti daıyn bolǵanda satyp alý jáne memlekettik-jekemenshik áriptestik aıasyndaǵy qurylys.
Memlekettik búdjet esebinen 23 100 oqýshyǵa arnalǵan 13 mektep jáne taǵy 8 mektep (12 myń oryndyq) salynady, Almaty ákimdigi menshik ıelerinen daıyn mektepti satyp alady. Alǵabas shaǵyn aýdanynda 2000 oqýshyǵa arnalǵan mektep memlekettik-jekemenshik áriptestik negizinde boı kóteredi.
Jobany iske asyrýǵa «Samruk-Kazyna Construction» AQ jaýapty. Qazirgi ýaqytta memlekettik qordyń balansyndaǵy 10 jer ýchaskeni qala ákimdigi tapsyrysty oryndaýshyǵa berdi. Eki ýchaske qoldanystaǵy eski mektep ǵımarattaryn (№97 jáne №154 lıseı) buzǵannan keıin beriledi. Almaty ákimi buzý rásimin 1 tamyzǵa deıin aıaqtaýdy tapsyrdy. Rozybakıev-Levıtan kósheleriniń qıylysyndaǵy taǵy 1 ýchaskeni satyp alý quny boıynsha menshik ıesimen kelissózder júrgizilýde. Sonymen qatar, olardy 1 tamyzǵa deıin aıaqtaý josparlanǵan jáne ýchaske «Samruk-Kazyna Construction» AQ balansyna beriledi.
Qaǵıdada jer teliminiń ıesi esebinen bilim berý mekemesiniń ǵımaratyn salý jáne qajet bolǵan jaǵdaıda ınjenerlik jelilerdi júrgizý kózdelgen. Qazirgi tańda barlyq ınvestormen tıisti memorandýmdarǵa qol qoıyldy, qurylys jumystaryn bastaý IV toqsanda josparlanǵan.
Jıyn qorytyndysy boıynsha qala ákimi Erbolat Dosaev mektepterdiń qurylysyn sapaly júrgizý jáne ýaqytyly paıdalanýǵa berý jónindegi basqarmalardyń jumysyn jedeldetýdi tapsyrdy.