Almaty qalasynyń «Baqshasaraı» qabyldaý úıinde QMDB «Halal Damý» standarttaý jáne sertıfıkattaý mekemesiniń uıymdastyrýymen HALAL EXPO-2025 halyqaralyq kórmesi bastaldy, dep habarlaıdy aqshamnews.kz
Kórmeniń resmı ashylýyna Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly arnaıy qatysty.
- Halal ındýstrıasy búginde tek musylman qaýymyna ǵana emes, búkil adamzat úshin adaldyq pen tazalyqtyń belgisine aınaldy. Bul kórme – kásipkerlerdiń, ǵalymdardyń, tehnologtar men tutynýshylardyń basyn qosyp, tájirıbe bólisýge, jańa seriktestik ornatýǵa jáne adal ónimder naryǵyn keńeıtýge jol ashatyn mańyzdy alań,- dedi Naýryzbaı qajy Taǵanuly.
Sondaı-aq Bas múftı saltanatty rásimde úzdik halal kásiporyndar men qyzmetkerlerdi arnaıy marapattady. «Úzdik halal kásiporyn» nomınasıa boıynsha 8 kásiporyn, «Úzdik mamandar» nomınasıa boıynsha 8 qyzmetker marapattaldy.
Kórmede otandyq kásipkerlermen birge Qyrǵyzstan, Ózbekstan, Reseı, Belarýs, Mońǵolıa, Indonezıa men Malaızıa memleketterinen kelgen 100-ge jýyq kásiporynnyń ónimderi qoıylǵan. Shara aıasynda halal salasyna qatysty semınar-trenıngter ótip jatyr.