Almatyda Qazaqstandaǵy eń iri onlaın bılet satý servısiniń 10 jyldyq mereıtoıy atap ótildi
Respýblıka saraıynda kıno, teatr, sport jáne ózge de mádenı-sporttyq sharalarǵa onlaın bılet satatyn Ticketon.kz servısiniń týǵan kúnine oraı otandyq jáne álemdik sahnany baǵyndyrǵan juldyzdardyń qatysýymen konserttik kesh uıymdastyryldy, dep habarlaıdy Almaty-akshamy.kz.
Merekelik shara barysynda Ticketon Award premıasynyń jeńimpazdary, úzdikter arasyndaǵy úzdikter marapattaldy.
Atalmysh premıada onlaın servısti paıdalanyp óz qyzmetterin usynatyn ár salanyń úzdikteri tańdaldy. Daýys berý halyq arasynda ashyq túrde ótti, ıaǵnı Ticketon arqyly óz úzdikterin tańdaǵan kórermender jeńimpazdardy ózderi anyqtady.
Merekelik keshte Ticketon Award syılyǵymen birinshi bolyp kıno áleminiń úzdikteri marapattaldy. Halyq tańdaýymen «Brat ılı brak» komedıasynyń basty juldyzy – Dáýren Sergazın jyldyń úzdik akteri atandy. Al, ótken jyldyń úzdik aktrısasy retinde halyq tańdaýy Darıǵa Badyqovaǵa tústi. Premıa tabystaý kezinde «Bıznes po-kazahskı» jáne «Gýd baı moı baı-2» fılmderinde óz sheberligin tanyta alǵan aktrısany halyq jyly iltıpatpen qarsy aldy. Úzdik otandyq fılm nomınasıasyn Oljas Ibraevtyń «Porte: Malchık na pobegýshkah» týyndysy jeńip aldy.
Ekinshi kezekte, teatr salasynyń úzdikteri tańdaldy. Jyldyń úzdik premerasy ataǵyn «Bórte» qoıylymy ıelense, spektáklde basty róldi oınaǵan Aııa Sharıp teatrdyń úzdik aktrısasy atandy. Al erler arasynda mundaı syılyqqa «Jas sahna» teatrynyń akteri Nurbolat Rahatov laıyqty boldy. Sondaı-aq, shara uıymdastyrýshylary daýys berý ádil ótý úshin «Jyl qoıylymy» nomınasıasyn memlekettik jáne jekemenshik teatrlar arasynda bólek ótkizdi. Memlekettik teatrlar arasynda atalmysh syılyq «Bopaı hanym» qoıylymyna berildi. Al jekemenshik sahnalar báıgesinde «Seans» spektakli úzdik boldy.
Sport salasynyń myqtylary da syılyqtan qur qalǵan joq. Jyldyń úzdik machy retinde Almatylyq «Qaırat» pen «Astana» klýbtarynyń arasyndaǵy oıyn tanyldy. «Jyl sportshysy» ataǵy – Birjan Orazovqa tabystaldy. Fýtzaldan «Qaırat» klýbynda óner kórsetetin sportshy marapattaý kezinde óz qýanyshyn jasyrmady. Sport salasynyń úzdikterin áıelder arasynda «Jyl sportshysy» ataǵyn ıelengen jıý-jıtsýdan úsh dúrkin álem chempıony Móldir Mekenbaeva túıindedi.
«Jyl ártisi» ataǵy – Ticketon Award syılyǵynyń eń tartysty nomınasıalarynyń biri. Atalǵan syılyqqa «Irına Qaıratovna», «Ninety One», Imanbek jáne ózge de halyq súıiktileri úmitker edi. Degenmen, bul synda álemdi tańdaı qaqtyrǵan ánshi Dımash Qudaıbergen aıqyn basymdyqpen jeńiske jetip, «Jyl ártisi» nomısanıasyn ıelendi.
Merekelik sharany «Úzdik ınovasıalyq qala» jáne «Úzdik týrısik brend» nomınasıalary qorytyndylady. Daýys berýshilerdiń qalaýymen birinshi syılyqqa Almaty qalasy, al ekinshi nomınasıaǵa Shymbulaq kýrorty laıyqty dep tanyldy.
Ár salanyń úzdikterine syılyq tabystalǵan soń, marapattaý keshi «Ninety One», «Orda» jáne keshtiń basty juldyzdary bolǵan «A-STUDIO» toby óner kórsetken konsertke ulasty.
Aıta ketken jón, «Almaty aqshamy» jáne «Vechernıı Almaty» gazetteri atalmysh sharaǵa aqparattyq demeýshi boldy.
- BİZDİŃ DÁIEKTEME
Ticketon.kz – kıno, teatr jáne sırk qoıylymdaryn, qazaqstandyq jáne sheteldik estrada juldyzdarynyń konsertterin, trenıńter men semınarlardy, murajaılar men kórkem galereıalarǵa ekskýrsıalardy, balalar qoıylymdaryn, ulttyq komandalardyń fýtbol, hokeı jáne basketbol machtaryn, sondaı-aq halyqaralyq aýqymdaǵy jarystardy qosa alǵanda, mádenı jáne sporttyq is-sharalarǵa bıletterdi onlaın-satýdyń Qazaqstandaǵy eń iri servısi.
İs-sharalardy jyljytý jáne bıletterdi taratý boıynsha kóp deńgeıli qyzmet kórsetetin Ticketon.kz is-sharalardy uıymdastyrýshylar men satyp alýshylar arasyndaǵy negizgi dáneker bolyp tabylady.
Ticketon.kz Qazaqstannyń 20-dan astam qalasyndaǵy nysandardy qamtıdy, servıske búkil el boıynsha 30-dan astam kınoteatr jáne 40 teatr qosylǵan.