Sot úkimi zańdy kúshine engen joq.
Oǵan 79 mln teńge jymqyrdy degen aıyp taǵylǵan, dep habarlaıdy Almaty-akshamy.kz
Almaty qalasy Medeý aýdanynyń №2 aýdandyq sotynda emhana qyzmetkerlerine qatysty asa iri mólsherde jymqyrý arqyly bótenniń múlkin urlady degen aıyp boıynsha qylmystyq is qaraldy (QK 189-baby, 4-bóliginiń 2 tarmaǵy boıynsha).
Sot anyqtady:
2015 jylǵy sáýir – 2022 jylǵy naýryz aılarynyń aralyǵynda emhananyń bas dárigeri K. memlekettik fýnksıalardy oryndaýǵa ýákiletti tulǵa bola otyryp, bas býhgalter N. jáne kadrlar bóliminiń ınspektory S.-men aldyn ala qylmystyq kelisim ornatyp, is júzinde jumys istemeıtin 19 tulǵany qyzmetke taǵaıyndaý týraly buıryqtardy rásimdeý jónindegi is-áreketterge basshylyq etken. Resmı túrde rásimdelgen qyzmetkerlerdiń shottaryna aı saıyn eńbekaqyny eseptep, aýdaryp otyrǵan, keıinnen ony óz menshigine aınaldyryp, óz qajettilikterine jumsaǵan.
K., S., N. quqyqqa qaıshy áreketteri arqyly memleketke 79 mln teńgeden astam shyǵyn keltirdi.
Sot úkimi:
Sot jaza taǵaıyndaý kezinde jasalǵan qylmystyń sıpaty men qoǵamdyq qaýiptilik dárejesin, kinálilerdiń jeke basyn, onyń ishinde olardyń qylmys jasaǵanǵa deıingi jáne odan keıingi minez qulyqtaryn eskerdi. Sottylyqtyń bolmaýy, S., N.-niń zalaldy ishinara óteýi sekildi jeńildetetin jaǵdaılar eskerildi.
Zalaldy óteý sharalaryn eskere otyryp, eki tulǵa 7 jyl merzimge shartty túrde bas bostandyǵynan aıyryldy, S.-ǵa 5 jyl merzimge materıaldyq-jaýapty laýazymdardy atqarý quqyǵynan aıyrý túrinde qosymsha jaza taǵaıyndaldy, N. 5 jyl merzimge býhgalterlik qyzmetpen aınalysý quqyǵynan aıyryldy.
Sot bas dáriger K.-ǵa 7 jyl merzimge bas bostandyǵynan aıyrý jazasyn taǵaıyndady, ol orta qaýipsizdik QAJ mekemesinde jazasyn óteıtin bolady, sondaı-aq memlekettik qyzmette qyzmet atqarý quqyǵynan ómir boıyna aıyryldy.