200 sharshy metr aýmaq órtengen.
Almatyda ekiqabatty turǵyn úıde alapat órt boldy, dep habarlaıdy Almaty-akshamy.kz qalalyq TJD mekemesine silteme jasap.
Almatyda Baıtursynov kóshesiniń qos tarapy, atap aıtqanda Abaı men Satpaev kósheleri qıatyn bóligi jabyldy. Oǵan sebep - eki qabatty turǵyn úıden shyqqan órt.
14 naýryzda saǵat 20:24-te Almaty qalasy TJD kúshteri men quraldary Bostandyq aýdany, Baıtursynov kóshesi mekenjaıyna attandy.
«Oqıǵa ornyna saǵat 20:32-de jetken № 1 MÓSB alǵashqy bólimsheleri eki qabatty ǵımarattyń ekinshi qabatyndaǵy páterdiń órtenip jatqanyn anyqtady. Aralas úı-jaılardy qorǵap, órtti sóndirýge órt oqpandary ázirlendi, órt avtosısternalary sý kózderine jedel ornatyldy, sýdy úzdiksiz berý qamtamasyz etildi. Ǵımarattyń otqa tózimdiligi tómen sanatyna jatatyny, qabyrǵalar men tóbe jabyndarynda jasyryn bos oryndardyń bolýy órt sóndirý jumystaryn qıyndatty. Qabyldanǵan sharalardyń arqasynda órt saǵat 21.43-te oqshaýlandy. Órt sóndirýshilerdiń úılesimdi is-áreketteriniń arqasynda órt irgeles ornalasqan úılerge taralǵan joq», delingen TJD baspasóz qyzmeti taratqan habarlamada.