Almatydaǵy Zerdeli shaǵyn aýdanynda jańa dene shynyqtyrý-saýyqtyrý kesheni ashylady
Balalardy synyptan tys oqýmen qamtý úshin byltyr Nurkent shaǵyn aýdanynda kópsalaly Inovasıalyq shyǵarmashylyq ortalyǵy (Oqýshylar saraıy) ashyldy. Ondaǵy 38 úıirmege 1200 bala qatysady. Bul týraly qala ákimi Erbolat Dosaev Alataý aýdanynyń turǵyndarymen kezdesýde aıtty.
«2024 jyldyń mamyr aıynda Zerdeli shaǵyn aýdanynda sporttyq jáne trenajerlyq zaldary, horeografıa men ústel oıyndary qamtylǵan dene shynyqtyrý-saýyqtyrý keshenin ashý josparlanyp otyr», - dedi qala basshysy.
Aýdanda emhanalardyń jetispeýshiligi problemasyn sheshý jáne medısınalyq qyzmettiń sapasyn arttyrý maqsatynda Saıaly jáne Qarasý shaǵyn aýdandarynda kúnine 200 adamnan qabyldaıtyn eki otbasylyq-dárigerlik ambýlatorıalarynyń qurylysy aıaqtalyp keledi. Qarasý shaǵyn aýdanynda qural-jabdyqtaryn montajdaý jumystary júrgizilip, osy jyldyń mamyr aıynda ashylady dep kútilýde. Saıaly shaǵyn aýdanyndaǵy ambýlatorıanyń qurylysy 2024 jyldyń maýsymyna deıin aıaqtalmaq.