Bul baǵdarlamaǵa 3,2 mlrd teńgeden astam qarjy qarastyrylǵan.
«Ańsaǵan sábı» baǵdarlamasy aıasynda 2022 jyly 3152 kvota bólindi. Bul týraly «Áleýmettik medısınalyq saqtandyrý qory» KEAQ Almaty fılıaly dırektory Tileýhan Ábildaev brıfıń barysynda málim etti, dep habarlaıdy Almaty-akshamy.kz QazAqparatqa silteme jasap.
Onyń aıtýynsha, MÁMS aıasynda halyqqa qoljetimdi bolǵan qyzmettiń biri – ekstrakorporaldy uryqtandyrý nemese EKO prosedýrasy.
«2022 jyly EKO baǵdarlamalaryna 3,2 mlrd teńgeden astam qarjy qarastyrylǵan. Atalǵan somaǵa barlyǵy 3152 jasandy uryqtandyrý prosedýrasy jasalýy tıis. Ótken 4 aıda 476 EKO jasalyp, oǵan 484 mln teńge tólendi. Bıyl ońtústik astana boıynsha atalǵan baǵdarlamaǵa 8 klınıka qatysyp jatyr»,- dedi fılıal dırektory.
EKO-ǵa jiberý týraly sheshimdi Almaty qalasy Qoǵamdyq densaýlyq saqtaý basqarmasy janynan qurylǵan arnaıy komısıa qabyldaıdy. EKO-ny áıeldiń ózi tańdaıdy.
Osy baǵdarlama aıasynda pasıent jylyna bir ret EKO jasaı alady.
Búginde elimizde 26 EKO ortalyq jumys isteıdi. Onyń 21-i jekemenshik.
Eske salsaq, Memleket basshysy Qasym - Jomart Toqaevtyń tapsyrmasy boıynsha 2021 jyly elimizde «Ańsaǵan sábı» baǵdarlamasy júzege asty.