Óz usynysyn ol áleýmettik jelilerde jarıalady.
Almaty ákimdigi «Almaty – adamdar úshin jahandyq qala» baǵdarlamasyn ázirledi, onda megapolısti 2025 jylǵa deıin damytýdyń negizgi basymdyqtary men 2030 jylǵa deıingi orta merzimdi perspektıvalar kórsetilgen. Qala turǵyndary baǵdarlamamen tanysyp, óz usynystaryn «Almatyny damytý ortalyǵynyń» saıtynda 2022 jyldyń 1 shildesine deıin qaldyra alady. Bul týraly Almaty qalasy Qoǵamdyq keńes múshesi Bekbol Ramazan pikirin bildirdi, dep habarlaıdy Almaty-akshamy.kz.
«Almaty qalasynyń turǵyndary! Ózderińizge belgili aǵymdaǵy jyldyń 27 maýsymynda qala ákimi Erbolat Dosaev Almaty qalasynyń 2025 jáne 2030-shy jyldarǵa deıingi orta merzimdi damý josparlarynyń jobasyn, qala jurtshylyǵyna talqylaýǵa usynǵan bolatyn. 46 betten turatyn qalamyzdyń damýyna baǵyttalǵan prezentasıany tolyqtaı oqyp, tanysyp shyqtym. Sonymen qatar sizderdiń de nazarlaryńyzǵa usynbaqpyn. Mindetti túrde oqyp shyǵyńyzdar. Aıtar pikirlerińiz, alyp-qosar usynystaryńyz bolsa, pikir qaldyryp ketińiz nemese jekeme jazsańyzdar bolady. Sizderdiń taraptaryńyzdan túsken júıeli, paıdaly usynystaryńyzdy biz, Almaty qalalyq Qoǵamdyq keńes músheleri, óz jıyndarymyzda talqyǵa alyp, ári qaraı dóńgeletýge daıyn ekendigimizdi aıtqym keledi. Ońtústik astanamyzǵa aınalǵan Almaty shaharyn birge damytaıyq! Sharshamaıyq!» - dep jazdy avtor.
Posmotret etý pýblıkasıý v Instagram