Almatyda polıseıler bazarda urlyq jasaǵan kúdiktilerdi ustady, dep habarlaıdy aqshamnews.kz Polisia.kz-ke silteme jasap.
Alataý aýdanynyń polıseıleri qala turǵyndarynyń jeke múlkin urlady degen kúdikpen úsh áıeldi ustady. Tergeý derekterine súıensek, kúdiktiler birneshe kún ishinde iri saýda oryndarynyń aýmaǵynda jáne halyq kóp jınalatyn jerlerde azamattardyń ańǵaldyǵyn paıdalanyp, urlyq jasaǵan. Qazirgi tańda olardyń jeke tulǵalary anyqtaldy. Sonymen qatar basqa da osyǵan uqsas qylmystarǵa qatysy bar-joǵy tekserilýde.
"Biz zań men tártipti qatań saqtaımyz. Zań buzǵan árbir adam – jynysyna, jasyna nemese mártebesine qaramastan – anyqtalyp, ustalyp, jaýapqa tartylady. Bul oqıǵa boıynsha qolymyzda jetkilikti dálel bar, jáne kinálilerdiń jazasyn qamtamasyz etemiz", – dedi Alataý aýdandyq polısıa basqarmasynyń bastyǵy Edilhan Baıǵaraev.
Atalǵan derek boıynsha qylmystyq is qozǵalyp, tıisti tergeý amaldary júrgizilip jatyr.