Almatydaǵy №29 balabaqshada túsirilgen vıdeoda ǵımarat asqanasynda taraqandardyń qaptap, jándikterdiń plıtalardyń, qabyrǵalardyń jáne edenniń boıymen emin-erkin júrgeni anyq kórinedi.
Ata-analardyń aıtýynsha, buǵan deıin balalarǵa buzylǵan tamaq berilip kelgen. Al botqanyń ishinen tiri jándikter jıi shyqqan kórinedi. Bir qyzyǵy bul mekemeni buǵan deıin basqa uıymdaǵy dál osyndaı zańbuzýshylyqtar úshin jumystan qýylǵan meńgerýshi basqaryp otyr eken.
Ata-analardyń sózinshe, onyń kelgeninen keıin jaǵdaı kúrt nasharlap, asqanada azyq-túlik urlyǵy bastalǵan.
Almaty qalasy Bilim basqarmasy vıdeony kúzet fırmasynyń qyzmetkeri qyrkúıek aıynda túsirgenin rastady. Vedomstvo balabaqshada dezınfeksıa men deratızasıa turaqty júrgiziletinin aıtty. Al jándikterdiń kóbeıýine jaqyn mańdaǵy qoqys konteınerleri sebep bolýy múmkin deıdi.
Qazir Aýezov aýdanynyń sanıtarlyq qyzmeti balabaqshada tekseris júrgizip jatyr. Bilim basqarmasy balabaqsha jumysyna qatań tekseris júrgizilip, kinálilerge tıisti shara qabyldanatynyn málimdedi.