Jastarǵa arnalǵan 150 qalalyq bos ýaqytty tıimdi ótkizý ortalyqtarynyń tegin jármeńkesi ótedi
2022 jyldyń 10 qyrkúıeginde M.Gandı atyndaǵy saıabaqta Almaty qalasy Jastar saıasaty basqarmasy men Memlekettik jastar saıasatyn damytý qorynyń uıymdastyrýymen «BALA FEST» qalalyq festıvali ótedi, dep habarlaıdy Almaty-akshamy.kz.
Aýqymdy shara aıasynda – jastarǵa arnalǵan 150 qalalyq bos ýaqytty tıimdi ótkizý ortalyqtarynyń tegin jármeńkesi ótedi. Bos ýaqytty tıimdi ótkizý ortalyqtary – bul jastar oqýdan nemese jumystan bos ýaqytynda shyǵarmashylyqpen, sportpen jáne ózin-ózi damytýmen aınalysatyn klýbtar. Jastardyń turǵylyqty jerinde, jeke ýaqytyn uıymdastyrýǵa baǵyttalǵan ortalyqtar bolyp tabylady. Al bul óz kezeginde, quqyq buzýshylyqtyń aldyn alý, nashaqorlyq, shylym shegý, taǵy basqa áleýmettik keleńsiz qubylystarmen kúresý sıaqty máselelerdi sheshýge yqpal etedi.
Sonymen qatar, barlyq qonaqtar úshin shara barysynda oıyn-saýyq konserttik baǵdarlama, damytýshy master-klastar, sporttyq jarystar jáne t.b. uıymdastyrylǵan.
Almatylyqtar festıvál aıasynda qalamyzdyń talantty jasóspirimderi men jastary jáne bos ýaqytty tıimdi ótkizý ortalyqtarynyń tárbıelenýshileri daıyndaǵan konserttik baǵdarlamany tamashalaı otyryp, árbir ortalyq týraly ımıjdik beınerolıktermen tanysady. Saıabaqta serýendeýmen qosa, ózderiniń barlyq tilekteri men talaptaryna saı keletin ortalyqty taba alady.