Jol apaty saldarynan 1 adam kóz jumyp, 21 adam zardap shekken
Almatyda adam ólimine ákep soqqan jol apatyn jasaǵan avtobýs júrgizýshisine qatysty is sotqa joldandy, dep habarlaıdy Almaty-akshamy.kz.
«Búgin qala prokýratýrasynyń sotqa deıingi tergep-tekserý materıaldaryn zerdeleý nátıjeleri boıynsha, №98 avtobýsynyń júrgizýshisi QR Qylmystyq kodeksiniń 345-baby, 3-bóligi boıynsha (abaısyzda adam ólimine ákep soqtyrǵan jol qozǵalysy erejelerin buzýy) sotqa joldandy», - dep habarlady Almaty qalalyq polısıa departamentiniń baspasóz qyzmeti.
Eske salaıyq, byltyr 8 qarasha kúni Almatyda Tóle bı – Abylaı han kósheleriniń qıylysynda eki avtobýs soqtyǵysqan bolatyn.
Jol apaty saldarynan 1 adam kóz jumyp, 21 adam zardap shekken.
Sondaı-aq, avtobýs apatyna qatysy bar júrgizýshi qamaýǵa alynǵan bolatyn.