Almaty ákimi Baqytjan Saǵyntaev ortalyqtyń jumysymen tanysty.
«Asyl Mıras» aýtızm ortalyǵynyń jańa ǵımaraty Qonaev kóshesi, 122 mekenjaıda ornalasqan, dep habarlaıdy Almaty-akshamy.kz
Ortalyqtyń aýmaǵyn ulǵaıtýdyń arqasynda jylyna 300-ge jýyq otbasy beıimdeý baǵdarlamalarymen qamtylady.
B. Saǵyntaev Bolat Ótemuratov qorynyń qalanyń áleýmettik máselelerin sheshýge qosqan úlesin atap ótti. «Asyl Mıras» aýtızm ortalyqtarynyń jelisi aýtızmi bar balalarmen júrgiziletin túzetý jumystarynyń etalony bola otyryp, óziniń tıimdiligin dáleldedi.
«Ortalyqtyń jańa ǵımaratqa kóshýi mekeme mamandaryna kóptegen balalarǵa kómek kórsetýge múmkindik beredi», - dep atap ótti B.Saǵyntaev.
«Asyl Mıras» Almatyda 2015 jyly Bolat Ótemuratovtyń qory ashqan alǵashqy aýtızm ortalyǵy boldy. Ótken 7 jyl ishinde 2,8 myńǵa jýyq bala ASB belgileri boıynsha dıagnostıkadan ótti. 1,5 myńǵa jýyq balaǵa bilikti kómek kórsetildi.
Ortalyq ıntervensıanyń alty baǵdarlamasy boıynsha jumys isteıdi, olardyń árqaısysy áleýmettik, sóıleý jáne turmystyq daǵdylardyń tapshylyǵyn anyqtaýǵa jáne joıýǵa baǵyttalǵan.
Balalarǵa yntymaqtastyq, sóıleýdi túsiný, vızýaldy qabiletter men ózine-ózi qyzmet kórsetý daǵdylaryn damytýǵa múmkindik beretin stýdıalyq páterdiń kishirek nusqasy bolyp tabylatyn ómirlik daǵdylardy damytý kabıneti jabdyqtalǵan.
Sondaı-aq, ata-analarmen aqparattyq-túsindirý jumystaryn júrgizý úshin 30 oryndy konferens-zal bar. Ortalyqtyń barlyq qyzmetteri tegin kórsetiledi.
«Almaty ákimdigine ortalyqtyń alǵashqy kúninen bastap bizdiń baǵdarlamany qoldaǵany úshin alǵysymdy bildiremin. Qala ákimshiligi usynǵan jańa ǵımarat jyl saıyn ASB bar balalardy tárbıelep otyrǵan 300-ge jýyq otbasyn beıimdeý baǵdarlamalarymen qamtýǵa múmkindik beredi. Bul jerde bizdiń mamandarymyz ASB dıagnostıkalaýǵa kómektesedi jáne balada keri ózgeris anyqtalǵan jaǵdaıda, ony jetispeıtin ómirlik daǵdylardy damytý jónindegi tıisti baǵdarlamaǵa tirkeıdi», - dedi Bolat Ótemuratov qorynyń Qamqorshylar keńesiniń tóraǵasy, doktor Almaz Sharman.