Áskerı qyzmetshilerge qoldaý kórsetip jatyr.
«Kúshimiz birlikte». Búgin osyndaı ataýmen Almatyda áskerı-patrıottyq aksıa ótti. Sharanyń basty maqsaty Otan qorǵaýshylardyń rýhyn kóterip, áskerı mısıasynyń mańyzdylyǵyn nyǵaıtýǵa baǵyttalǵan, dep habarlaıdy Almaty-akshamy.kz Almaty.tv silteme jasap.
Búginde tárbıe qurylymdarynyń ofıserleri jappaı dúrbeleńge qatysqan áskerı qyzmetshilerge psıhologıalyq ońaltý jaǵynan qoldaý kórsetip jatyr.
«Qorǵanys mınıstriniń sheshimimen úgit-nasıhat toby qurylyp, áskerı bólimderge baryp júrmiz. Osyǵan deıin birinshi "Batys" óńirlik qolbasshyǵynda jumys istep, Atyraý, Aqtaý, Aqtóbege baryp keldik», - dedi QR Qarýly Kúshteri Bas shtaby basshysynyń orynbasary Serik Boranbaev.
Áskerı qyzmetkerler aldaǵy ýaqytta Taldyqorǵan, Jarkent jáne Qapshaǵaı men Saryózektegi garnızondarǵa da baryp, osyndaı aksıa ótkizýdi josparlap otyr.
«Búgin áskerı qyzmetkerlerdiń aksıasyna biz de qatystyq. Qıyn sátte qala qaýipsizdigin tolyǵymen qamtamasyz etken Otan qorǵaýshylarǵa alǵysymyz sheksiz. Olarǵa qalalyq máslıhat depýtattary men jergilikti turǵyndardyń atynan raqmet aıtqym keledi», - dedi qalalyq máslıhat depýtaty Shýhrad Shardınov.