Kýrsty ortalyqtyń oqý baǵdarlamasyna engizý úlken mańyzǵa ıe
Ekijaqty yntymaqtastyq aıasynda Qorǵanys mınıstrliginiń Bitimgerlik daıyndyq ortalyǵyna Italıa halyqaralyq tobynyń mamandary maıor Andrea Trevısson men sheber serjant Enrıko de Sılva tanystyrý saparymen keldi, dep habarlaıdy Almaty-akshamy.kz.
Kezdesý barysynda BUU-nyń "UNCIMIC" áskerı-azamattyq ózara is-qımyl jónindegi pılottyq kýrsyn Bitimgerlik daıyndyq ortalyǵynyń bazasynda ótkizý máseleleri qaraldy.
– Kýrsty ortalyqtyń oqý baǵdarlamasyna engizý úlken mańyzǵa ıe. Janjal aımaǵynda bitimgerler ártúrli uıymdarmen, sonyń ishinde jergilikti bılik organdarynyń ókilderimen jáne turǵyndarmen tyǵyz jumys isteýi kerek. Mısıanyń sátti oryndalýy kóbinese olarmen ózara is-qımyl jasaý qabiletine baılanysty, – dep atap ótti Bitimgerlik daıyndyq ortalyǵy basqarmasynyń bastyǵy polkovnık Dılá Ahmetova.
Italándyq mamandar pılottyq kýrsty ótkizýge járdemdesýge, BUU mısıalaryn oryndaý kezinde alǵan oqý materıaldary men tájirıbelerin bólisýge daıyn ekenin jetkizdi.