Mersedes qarsy jolaqqa shyǵyp ketken
Almatyda 26 qazanda jol-kólik oqıǵasy saldarynan Daewoo Nexia kóligi aýdarylyp qaldy. Oqıǵa Jandosov pen Dáýletov kósheleriniń qıylysynda boldy, dep habarlaıdy Almaty-akshamy.kz Zakon.kz-ke silteme jasap.
Mersedes avtokóliginiń júrgizýshisi Jandosov kóshesimen batys baǵytta kele jatqan. Dáýletov kóshesine burylǵysy kelgen kóliktiń sańylaýda turǵanyn kesh baıqap, aldyńǵy kólikpen soqtyǵysýdan saqtanýǵa tyrysyp, búıirine kúrt burylǵan. Saldarynan júrgizýshi tizginge ıe bola almaı qaldy. Osylaısha Mersedes qarsy jolaqqa shyǵyp ketken, Daewoo Nexia kóligi sol jaqqa qaraı ketip bara jatqan. Eki kólik soqtyǵysyp, Nexia aýdarylyp qaldy.
Jol apatynan eki júrgizýshi de jaralanyp, aýrýhanaǵa jetkizildi.
Oqıǵa ornynda jol polısıasy jumys istep jatyr.