Ashyq qoǵamǵa – ashyq arhıv
Almatyda osyndaı taqyryppen I Halyqaralyq arhıvıster Kongresi bastaldy, dep habarlaıdy Almaty-akshamy.kz «Habar 24» telearnasyna silteme jasap.
Pikirtalas alańynda AQSH, Eýroodaq elderi, Azıa men TMD memleketterinen kelgen arhıv mamandary tarıhı-mádenı mura men mańyzdy qujattardy saqtaýdyń ózekti máselelerin talqylady. Arhıvti damytýdyń ınovasıalyq ıdeıalaryn ortaǵa saldy. Alqaly jıynnyń basty maqsaty – arhıv qujattarynyń qoljetimdiligin qamtamasyz etý. Bul bastama tarıhı kezeńderge jańa qyrynan úńilýge jol ashady. Sebebi zertteýshiler úshin buǵan deıin birqatar derek qorlary jabyq bolyp kelgen. Tarıhty saqtaýshylardyń halyqaralyq kásibı qoǵamdastyǵynyń ortaq is-qımyly memleketter tarıhynyń jańa derektermen tolyǵýyna, sondaı-aq zertteýshilerdiń jańa býynynyń qalyptasýyna múmkindik beredi.
«Máselen, bizdiń tarıhymyzǵa baılanysty myna Polsha ózimizdiń postsovettik keńistikte jańadan paıda bolǵan respýblıkalar, Ýkraına, Prıbaltıka, kórshi elder – Ózbekstan, Qyrǵyzstandaǵy jabyq qorlar ashylady ǵoı degen úmitimiz bar. Men óz basym Qyrǵyzstannnyń Qaýipsizdik komıtettine, Ózbekstannyń Qaýipsizdik komıtetine arnaıy hatpen qaıyrylǵanmyn Osy qorlardy ashyńyzdar, bizdiń osy zıalylarymyzǵa ortaq sújetterdi máselelerdi zertteıik degenmin. Osy turǵydan alǵan ýaqytta muz erıdi ǵoı degen úmitimiz bar», - dedi QR UǴA akademıgi, profesor Mámbet Qoıgeldi.