Festıvál 1-7 qarasha aralyǵynda ótedi
M.Áýezov atyndaǵy Qazaq ulttyq drama teatrynda jazýshy-dramatýrg Muhtar Áýezovtiń 125 jyldyǵyna arnalǵan Ortalyq Azıa elderiniń VIII halyqaralyq teatr festıvali ótedi, dep habarlaıdy Almaty-akshamy.kz.
Festıvál quryltaıshysy – Qazaqstan Respýblıkasynyń Mádenıet jáne sport mınıstrliginiń Mádenıet Komıteti bolyp tabylady. Maqsaty – Ortalyq Azıa elderi men túrkitildes memleketterdiń teatr óneri salasyndaǵy yntymaqtastyǵy men dostyq baılanystaryn nyǵaıtyp, teatr óneriniń kórkemdik kókjıegin keńeıtý, izdenisterdi qoldaý, shyǵarmashylyq ıdeıalar almasý, Ortalyq Azıa teatrlarynyń birtutas keńistigin jasaýǵa bet burý. Festıválǵa Qazaqstan, Tatarstan, Ózbekstan, Qyrǵyzstan, Ázirbaıjan, Tájikstan teatrlary qatysyp, óner kórsetedi.
Baspasóz májilisine Qazaqstan Respýblıkasy Mádenıet jáne sport mınıstrliginiń Mádenıet komıtetiniń tóraǵasy R.Káribjanova, Festıváldiń qazylar alqasynyń tóraǵasy Qazaqstannyń Eńbek Eri A.Áshimov jáne Muhtar Áýezov atyndaǵy Qazaq ulttyq drama teatrynyń dırektory, Qazaqstannyń eńbek sińirgen qaıratkeri E.Jýasbek qatysady.
1-7 qarasha aralyǵynda ótetin Ortalyq Azıa elderiniń VIII Halyqaralyq teatr festıvaliniń repertýary:
- 1 qarasha saǵat 17.00-de Baspasóz májilisi;
- 1 qarasha saǵat 17.30-da Festıváldiń resmı ashylýy;
- Saǵat 18.30-da «Qaragóz» tragedıasy (Qazaqstan);
- 2 qarasha saǵat 11.00-de «Na zare» plasıkalyq spektakli (Tatarstan);
- Saǵat 18.30-da «Hazına» romantıkalyq komedıasy (Ózbekstan);
- 3 qarasha saǵat 11.00-de «Topon» dramasy (Qyrǵyzstan);
- Saǵat 18.30-da «Marmeladovtor» tragıfarsy (Qyrǵyzstan);
- 4 qarasha saǵat 11.00-de «My – Kloýn» feerıa-makabry (Ázirbaıjan);
- 4 qarasha saǵat 18.30-da «Don Kıhot» tragıkomedıasy (Qazaqstan);
- 5 qarasha saǵat 11.00-de «Letaıýshıı lekar» komedıasy (Tájikstan);
- 5 qarasha saǵat 18.30-da «Shaǵala» tragedıasy» (Qazaqstan);
- 6 qarasha saǵat 11.00-de «Lútyı» drama-vesterni (Qazaqstan);
- 6 qarasha saǵat 18.30-da «Qan men ter. Aqbala» dramasy (Qazaqstan);
- 7 qarasha saǵat 11.00-de «Máshhúr Galen» tragıfarsy (Qazaqstan);
- 7 qarasha saǵat 18.00-de festıváldiń resmı jabylýy.
Sonymen qatar, festıvál aıasynda otandyq senograftardyń shyǵarmashylyǵyn nasıhattaý maqsatynda «Qazaqstan senograftary» kórmesi jáne tuńǵysh ret uıymdastyrylyp otyrǵan qazaqstandyq (almatylyq) jeke teatrlar men mádenı alańdardyń shyǵarmashylyǵyndaǵy úzdik spektáklderdiń kórsetilimi – qazaqstandyq SHOWCASE usynylady.