Almaty ákimdigi men Básekelestikti qorǵaý jáne damytý agenttigi SHJQ «Almaty qala jaryq» MKK-nyń komýnaldyq menshigine qaıtarý boıynsha birlesken jumys júrgizdi, dep habarlaıdy Almaty-akshamy.kz
Kompanıa qalanyń syrtqy jaryqtandyrý júıelerin avtomattandyrylǵan jáne ortalyqtandyrylǵan basqarýǵa jaýap beredi.
2021 jyldyń jeltoqsan aıynyń sońynda Almaty qalasy ákimdiginiń qaýlysymen tender arqyly «Almaty qala jaryq» SHJQ MKK júzege asyryldy. «ABM Group.com» JSHS jeńimpaz dep tanyldy. Mámile 4,6 mlrd teńgeni qurady, boljamdy quny 14,8 mlrd teńge.
Básekelestikti qorǵaý jáne damytý agenttiginiń Almaty qalasy boıynsha departamenti 2020-2021 jyldarǵa arnalǵan qalanyń syrtqy jaryqtandyrý júıelerin avtomattandyrylǵan ortalyqtandyrylǵan basqarýdy usyný boıynsha qyzmetterdi kórsetý naryǵyndaǵy básekelestik jaǵdaıyna taldaý júrgizdi. Osy naryqta «Almaty qala jaryq» SHJQ MKQK-nyń úlesi bar. Bul uıymnyń monopolıalyq jaǵdaıǵa ıe ekendigi anyqtaldy.
QR «Memlekettik múlik týraly» zańynyń normalaryna sáıkes, ústem nemese monopolıalyq jaǵdaıǵa ıe naryq sýbektileri bolyp tabylatyn uıymdardy jekeshelendirý týraly sheshimder qabyldaý el Úkimetiniń quzyretine jatqyzylǵan.
Osylaısha, Almaty ákimdiginiń SHJQ «Almaty qala jaryq» MKK-ny jekeshelendirý týraly sheshimi memlekettik múlik týraly zańnama normalaryna qaıshy keledi jáne básekelestikti shekteıdi.
«Almaty qala jaryqty» jekeshelendirý strategıalyq memlekettik kásiporynnyń joǵalýyna ákelýi múmkin.
Osyǵan baılanysty Almaty ákimdigi Qazaqstan Respýblıkasy Básekelestikti qorǵaý jáne damytý agenttiginiń Almaty qalasy boıynsha departamentiniń habarlamasy negizinde «Almaty qala jaryq» SHJQ MKK jekeshelendirý týraly sheshimniń kúshin joıý sharalaryn qabyldaýda.