Almatyda ótken jyldan beri 9 myńnan astam alaıaqtyq deregi tirkeldi.
Qaıtalanatyn qylmystyq áreketterdiń saldarynan azamattar 25 mıllıard teńgeden astam qarjysynan aıyrylǵan. Tergeý basqarmasy kóp epızodty úsh qylmystyq isti qarastyrdy, dep habarlaıdy aqshamnews.kz Polisia.kz-ke silteme jasap.
Zardap shekkenderdiń sany 300-den 1400 adamǵa deıin jetken. Eki qylmystyq is boıynsha tergeý aıaqtalyp, sotqa joldandy. Al úshinshi is boıynsha tergeý jumystary jalǵasýda. Jedel ahýaldy turaqtandyrý maqsatynda polısıa halyqpen tyǵyz jumys isteýde.
Negizgi baǵyttardyń biri – turǵyndardyń quqyqtyq saýattylyǵyn arttyrý. Bul BAQ arqyly, kósheler men qoǵamdyq oryndarda alaıaqtyqtyń túrleri men ádisteri týraly aqparattyq jadynamalar taratý arqyly júzege asyrylyp jatyr. Sonymen qatar alaıaqtyqtyń jańa ádisteri, olardy jasaý joldary jáne aldyn alý sharalary boıynsha turaqty túrde monıtorıń júrgizilip jatyr.