Oqıǵa ótken jazda Almatyda bolǵan.
Tergeý barysynda qylmyskerdiń jábirlenýshige tórt ret oq atqany, onyń úsheýi nysanaǵa tıgeni belgili boldy, dep habarlaıdy Almaty-akshamy.kz Bas kólik prokýratýrasyna silteme jasap.
Vedomostvonyń málimetinshe, oqıǵa ótken jazda Almatyda bolǵan. Atyshýly is boıynsha Jetisý kólik prokýratýrasynyń jetekshiligimen vedomstvoaralyq jedel tergeý toby jumys istedi.
«Kólik polıseılerimen birlese júrgizilgen is-shara nátıjesinde A. esimdi er adamnyń qylmysy áshkerelenip, ustaldy. Tergeý barysynda qylmyskerdiń jábirlenýshige tórt ret oq atqany, onyń úsheýi nysanaǵa tıgeni belgili boldy. Qylmys dushpandyqtan týyndaǵan», - dedi qadaǵalaý organy.
Bıyl bolǵan sot úkimimen azamat A. 10 jylǵa bas bostandyǵynan aıyryldy.
Myltyqty jasyrýǵa kómektesken azamat K. shartty túrde 3 jyl 6 aıǵa bas bostandyǵynan aıyryldy.
«Memlekettik aıyptaýshy asa aýyr qylmystyń izin jasyrýǵa kómektesken adamǵa jeńil jaza berilgenine kelispeı, úkimdi qaıta qaraý týraly ótinish berdi. Apelásıalyq sot prokýrordyń ustanymyn qoldap, azamat K.-ny naqty bas bostandyǵynan aıyrý jazasyna kesti», - dep tolyqtyrdy prokýratýra.