Almatyda 29 jastaǵy Qalıjan Ótepov iz-túzsiz joǵalyp ketti. Onyń týysqandary qala turǵyndarynan kómek surady, - dep habarlaıdy Aqshamnews.kz tilshisi Massaget.kz-ke silteme jasap.
Aǵasy Ǵalymjan Ótepovtyń aıtýynsha, 8 tamyzda shamamen saǵat 10:15-te ol Nurkent, 80 mekenjaıyndaǵy úıinen shyǵyp ketip, qaıta oralmaǵan. Keıingi ret ol Medeý aýdanyndaǵy baqylaý kameralaryna túsip qalǵan.
Joǵalǵanyna segiz kúnnen asty, baılanysqa shyqpaǵan.
"Ótken ýaqytty eskersek, onyń ómiri men densaýlyǵyna naqty qaýip tónip tur. Ol qaýipti jaǵdaıǵa tap bolýy múmkin, sondyqtan izdestirý sharalaryn keshiktirý qaıtymsyz saldarǵa ákelýi yqtımal", – deıdi jaqyndary.
Erekshelikteri: boıy – 170 sm, orta deneli, shashy qara, qysqa.
Kıimi: aq fýtbolka, qońyr shalbar, qońyr sandalı. Sur rúkzak taqqan.
Jaqyndary ony kórgen-bilgen adamdardan habarlasýdy suraıdy.
Baılanys telefondary:
- 8 708 130 59 00
- 8 702 3333 120
- 8 775 998 97 09