Másele Seıfýllın dańǵyly men Maqataev kóshesiniń qıylysynda polısıa qyzmetkerleri ustaǵan Toyota Land Cruiser kóliginiń ıesi týraly bolyp otyr.
Avtomattandyrylǵan baǵdarlamalyq júıelerden alynǵan málimetterge sáıkes, jol talǵamaıtyn kólik júrgizýshisi jol qozǵalysy erejesin 73 ret buzǵan. Aıyppuldyń jalpy somasy 2 mıllıon 223 myń teńgeni qurady, dep habarlaıdy Almaty-akshamy.kz Polisia.kz-ke siltme jasap.
«Bul buzýshylyqtardyń barlyǵy qalanyń beınejúıeleri arqyly tirkelgen. Sonymen qatar avtokóliktiń memlekettik tirkeý nómirlik belgileri jalǵan ekeni anyqtaldy. Kólik aıyppul turaǵyna ornatyldy, kólik ıesine qatysty eki ákimshilik hattama toltyryldy», – dedi jergilikti polısıa qyzmeti basqarmasy bastyǵynyń orynbasary Tımýr Noǵaıbaev.
Buryn habarlanǵandaı, Almaty polısıasy jalǵan memlekettik tirkeý nómirlik belgisin paıdalanatyn, kólikterine arnaıy belgi berý qurylǵylaryn ornatqan, kólik quralyn mas kúıinde basqarǵan jáne tólenbegen aıyppuldary bar kólik júrgizýshilerin anyqtaý jáne jaýapkershilikke tartý boıynsha maqsatty jumystar júrgizilip jatyr. Basqasha aıtqanda – qaýipti júrgizýshiler. Almaty polısıasy turǵyndarǵa ákimshilik aıyppuldy der kezinde tóleý kerektigin taǵy da eske salyp, jol qozǵalysy erejelerin qatań saqtaýǵa shaqyrdy.