Bul jobaǵa kópbalaly analar men múgedektigi bar jandar qatysa alady
Almatyda 15 adam 1 mıllıon 200 myń teńgeniń grantyn utyp alǵan. Bul jobaǵa kópbalaly analar men múgedektigi bar jandar qatysa alady, dep habarlaıdy Almaty-akshamy.kz Almaty.tv-ge silteme jasap.
Kóp balaly ana, ári múdektigi bar sábıdiń anasy Sáýle Shalambaeva búginde keptirilgen jemisterdi daıyndap, óz kásibiniń násibin kórip keledi.
«Bizdiń tapsyrystar kóp bolady. Osy jańa jylǵa daıyndyq bolyp jatyr. Qazir ekomagazınderge, dúkenderge, fıtnes ortalyqtarǵa ótkizemiz», – dedi kópbalaly ana Sáýle Shalambaeva.
Aıta keteıik, keıipkerimiz sekildi kásip bastaımyn degen kópbalaly jáne jalǵyzbasty analarǵa memleket tarapynan birqatar jeńildik qarastyrylǵan. Sebebi, mundaı bıznes arqyly jumys pen úı sharýalaryn qatar alyp júrýge bolady. Al «Baqytty otbasy» ortalyǵynda analar tegin bilim alady.
«Bıznesimdi asham, talpynam degen azamattarǵa qazirgi tańda osy memleketten qaıtarymsyz grant bólinedi. Ol 400 aılyq eseptik kórsetkishtiń tóńireginde 1 mln 200 myń teńge. Portal arqyly enbek.kz saıtynda oqyp, grantqa qujat ótkizýge múmkinshilik bolady», – dedi Jumyspen qamtý jáne áleýmettik baǵdarlamalar basqarmasy basshysynyń orynbasary Danıar Álkebaıuly.
Kópbalaly ananyń endigi maqsaty – kásibin keń kólemde damytý. Munan bólek, aldaǵy ýaqytta shákirt tárbıleýdi de josparlap otyr.