Almaty elimizdegi jastar ortalyǵy bolyp qala bermek. Qazirdiń ózinde qalada 11 komúnıtı ortalyq jumys istese, jyldyń sońyna deıin osyndaı ortalyqtyń taǵy beseýin ashpaqshy. Tamyzdyń 3-i men 12-si aralyǵynda shahardyń barlyq aýdanynda ALMA LOVE dep atalatyn úlken festıvál ótip jatyr. Endi, prezıdenttiń bastamasymen 18 tamyzdan bastap Almaty resmı túrde túrki álemindegi jastar ortalyǵy bolyp ta bekitildi. Óńirlik komýnıkasıalar ortalyǵynda ótken pres-konferensıada Almatynyń jastar saıasaty basqarmasynyń bastyǵy Azız Kajdenbek osylaı deıdi.
Almatyda turatyndardyń 712 myńy jastar eken. Bul - qala turǵyndarynyń úshten biri degen sóz. Shahardaǵy saıasattyń ózi osyǵan sep bolyp jatyr. Sońǵy jyldary Almaty jastar saıasatyna kóp kóńil bólip, jastar qaı salada bolsyn ózin erkin sezinetindeı etip, barynsha jaǵdaı jasap jatyr.
Qazirdiń ózinde qalada 11 komúnıtı ortalyq jumys istese, jyldyń sońyna deıin osyndaı ortalyqtyń taǵy beseýin ashqaly otyr. Bular jastardyń ósip-ónýine múmkindik beretin, keńesetin, pikir almasatyn, shyǵarmashylyǵyn shyńdaıtyn, IT-trenıngten ótip, til úırenetin alań. Bul ortalyqtar jasóspirimderden bastap jas analardy, NEET sanatyndaǵy jastar men bolashaq kásipkerlerdi qamtyǵan. Jarty jyldyń ishinde osy ortalyqtarda myńnan astam is-shara bolyp ótip, 100 myńnan astam adam qatysypty oǵan.
Tamyz aıy Almatynyń jastar saıasatyndaǵy betburysqa toly ýaqyt boldy. Tamyzdyń 3-i men 12-si aralyǵynda qalada Búkálilemdik jastar kúnine oraılastyrylǵan jastardyń ALMA LOVE deıtin úlken festıváli ótip jatyr. Qalanyń 8 aýdanyn qamtıtyn festıvál on kún boıy ótip, onda ártúrli konsertter, kvester men ıntellektýaldardyń battly uıymdastyrylady. 12 tamyz kúni ashyq aspan astynda konsert qoıady. Munda jastar tanymal ártistermen bir sahnada óner kórsetip, kósh bastap, erikti bolyp qyzmet etken eńbegi úshin marapattalady. Sońyna taman kórermender «Almaty – meniń alǵashqy mahabbatym» deıtin jaǵy jaryq shoýdy tamashalaıdy.
Ekinshi mańyzdy kún - 18 tamyz. Osy kúni Almaty resmı túrde Túrki áleminiń Jastar astanasy mártebesine ıe bolady. Túrki memleketteri uıymynyń sheshimimen berilgen bul ataq - qalanyń jastar saıasaty salasyndaǵy júıeli ári aýqymdy jumysyn moıyndaǵany. Saltanatty rásim aıasynda túrki álemi elderiniń jastar delegasıalary qatysatyn úlken mádenı festıvál ótedi. Qonaqtar konsertti tamashalap, VR-kúıdi tyńdap, etno-battldardy, startap-aımaqtardy, ınteraktıvti alańdardy kórip, sheberlik sabaǵyna qatysady. İs-sharanyń eń qyzyqty sátinde - Almatyny jastar yntymaqtastyǵy men ıdeıanyń ortalyǵy dep tanıtyn sımvolıkalyq kilt tabys etedi.
Bul qalany jańa jobalarǵa yntalandyratyn platforma, halyqaralyq baılanystardy nyǵaıtyp, mádenıet almasýdy keńeıte túsetin zor múmkindik. Jastardy saıasatqa aralastyrmaı-aq, solardyń kúshimen qalany kórkeıtip, kreatıvti keńistik qurýǵa bolatynyn Almaty is júzinde dáleldedi.