Mektep dırektorlarynyń jetíspeushílígí úsh ese qysqardy: Ǵanı Beısembaev olardy tamyz aıynda tolyq taǵaıyndaudy tapsyrdy
Oqu-aǵartu mınıstríníń tóraǵalyǵymen oblys ákímderíníń orynbasarlarymen ótken keńeste mektep dırektorlaryn bos lauazymdarǵa taǵaıyndau máselesí qaraldy.
2023 jyldan bastap Memleket basshysynyń tapsyrmasy boıynsha QR Oqu-aǵartu mınıstrlígí mektepterde basqarushylardyń jańa buynyn qalyptastyruǵa baǵyttalǵan «Bílím berudegí ózgerísterdíń 1000 kóshbasshysy» strategıyalyq jobasyn íske asyryp keledí. Ekí jyl íshínde íríkteudíń barlyq kezeńderínen sáttí ótken 583 kandıdat respublıkalyq kadr rezervíníń qūramyna endí. 2025 jyly taǵy 400 úmítker oqudan ótude.
Jobany íske asyru barysynda mektep dırektorlarynyń tapshylyǵy úsh esege qysqardy. Óńírlerdíń basym bólígí basqarushy lauazymdaryna arnaıy daıyndyqtan ótken mamandardy taǵaıyndau arqyly kadrlyq rezervtíń múmkíndíkterín tıímdí paıdalanady. Odan bólek, 4 myńǵa juyq dırektor «Órleu» BAŪO-da qysqa merzímdí kurstardan óttí, būl mektepterdegí basqaru áleuetín nyǵaıtuǵa jáne bílím beru júıesíndegí menedjment sapasyn arttyruǵa múmkíndík beredí.
«Joba aıtarlyqtaı nátıje berdí, mektepterde jańashyl, yntaly menedjerler paıda bolady. Endí būl protsess júıelep, qalǵan barlyq bos jūmys oryndarǵa basqarushy kadrlardy taǵaıyndaudy tamyz aıynda ayaqtau mańyzdy. Būl – dırektorlardy taǵaıyndau ǵana emes, sonymen qatar bílím berudegí basqaru mádenıetín júıelí túrde jańartu. Atalǵan baǵyttaǵy jūmystar naqty ózgeríster men bílím beru sapasyn arttyruǵa múmkíndík beredí», – dedí Ǵanı Beısembaev.
Mınıstrdíń aıtuynsha, bírqatar óńírlerde kadr rezervíníń áleuetí tolyq paıdalanylmaı otyr. Máselen, Almaty, Qaraǵandy, Abaı, Pavlodar jáne Túrkístan oblystarynda basqarushy kadrlarǵa qajettílík basym. Mınıstr tamyz aıynda qalǵan bos jūmys oryndaryna taǵaıyndaudy ayaqtau turaly tapsyrmanyń oryndaluyna oblystyq bílím basqarmalarynyń basshylary derbes jauapty bolatynyn atap óttí.