8 tamyzda Almaty oblysy Jambyl aýdanyna qarasty Úlken aýyly mańynda Qazaqstan tarıhyndaǵy alǵashqy atom elektr stansıasynyń (AES) qurylysy resmı túrde bastalady, dep habarlaıdy Aqshamnews.kz. Bul týraly Atom energıasy agenttigi málimdedi.
Saltanatty rásim barysynda jobanyń resmı ashylýy ótedi. Jıynǵa memlekettik organdar ókilderi qatysyp, sóz sóıleıdi. Sonymen qatar, topyraq synamalaryn alý maqsatynda burǵylaý jumystary bastalyp, alynǵan úlgiler keıinnen zertteý úshin reseılik tarapqa tapsyrylady. Kapsýlany tapsyrý rásimi de resmı túrde ótedi.
AES jobasynyń bas merdigeri retinde reseılik "Rosatom" kompanıasy tańdalǵan. Ol konsorsıýmnyń jetekshisi retinde qurylystyń negizgi jumystaryna jaýapty bolady.
Aıta keteıik, bıyl aqpanda Úlken aýyly AES salynatyn resmı oryn retinde bekitilgen bolatyn. Buǵan deıin bul aımaq áleýetti nysandar qatarynda qarastyrylǵan edi.
2024 jyldyń qańtarynda Memleket basshysy Qasym-Jomart Toqaev Úkimet pen "Samuryq-Qazyna" qoryna atom energetıkasyn damytý strategıasyn ázirleýdi, sonyń ishinde ekinshi atom stansıasynyń ornyn anyqtaýdy tapsyrǵan bolatyn.