Týrnır 16 joǵary oqý orny stýdentteriniń arasynda ótti.
Qazaq ulttyq qyzdar pedagogıkalyq ýnıversıtetinde toǵyzqumalaqtan«Máńgilik jadymda sen – Jeltoqsan 86» atty respýblıkalyq jekeleı ashyq týrnır ótti, dep habarlaıdy aqshamnews.kz
Jarys jastar arasynda ulttyq oıyndy nasıhattaý, tanymaldylyǵyn arttyrý, sondaı-aqTáýelsizdik jolyndaǵy Jeltoqsan oqıǵasynyń tarıhı mańyzyn dáripteý maqsatynda uıymdastyryldy. Týrnır Almaty qalasy ákimdigi, Almaty qalasy Toǵyzqumalaq Federasıasy jáne Qazaq ulttyq qyzdar pedagogıkalyq ýnıversıtetiniń birlesken uıymdastyrýymen ótti.
«Jeltoqsan kóterilisiniń kúreskerlerinetaǵzym retinde búgin toǵyzqumalaq oıyny uıymdastyrylyp otyr. Jyl saıyn «Máńgilikjadymda sen – Jeltoqsan 86» degen ataýmen qazaqtyń ulttyq oıyndarynan osyndaı jarys ótkizilip otyrady. Sebebi 86 jylǵy kóterilisshiler el táýelsizdigi úshin kúresip qana qoımaı, ulttyq sporttyń órkendeýine de zorúlesin qosty. Bizdi umyt qaldyrmaı, únemiosyndaı qurmet kórsetiletini úshin óte qýanyshtymyz», – dedi respýblıkalyq «Jeltoqsan – 86 Táýelsizdik qyrandary» Halyq qaharmandary qozǵalysynyń tóraıymy Júnis Gúlbahram Esmuratqyzy.
Týrnır QR Týrızm jáne sport mınıstrliginiń Sport jáne dene shynyqtyrý isteri komıteti bekitken «Toǵyzqumalaq qaǵıdasyna» sáıkes ótkizildi. Jeńimpazdarǵa arnaıy gramota, medal, kýbok jáne baǵaly syılyqtar tabystaldy. Sonymen qatar shara barysynda Almaty qalasyToǵyzqumalaq Federasıasynyń Prezıdenti ÁkimTursyn ulttyq oıynnyń damýyna úles qosqandarǵa jáne jarysqa úzdik shákirtter daıyndaǵandarǵa Alǵys hat tabystady.
«Qatysýshylar úzdik oıyn kórsetti. Bolashaqta álemdi baǵyndyrar sportshylarymyzdyń biri bolady dep úmittenemiz. Sáttilik tileımin», – dedi Almaty qalasy Toǵyzqumalaq Federasıasynyń dırektory, bas tóreshi Qaldybaev Azamat.
Tartysty oıynda jeńiske jetken Abaı atyndaǵy Qazaq ulttyq pedagogıkalyq ýnıversıteti, «Qazaq tili men ádebıet muǵalimi» bilim berý baǵdarlamasynyń 1 kýrs stýdenti Nuraı Ǵanıqyzy óz qýanyshymen bólisti: «Ýnıversıtetter arasynda ótken búgingi jekeleı ashyq týrnırde men İ oryndy ıelendim. Qýanyshymda shek joq. Uıymdastyrýshylarǵa raqmet».
Toǵyzqumalaq oıyny – qazaq halqynyń tereńtarıhı tamyrynan nár alyp, urpaqtan-urpaqqa jalǵasyp kele jatqan ulttyq qundylyqtardyń biri. Bul zıatkerlik oıyn tek dástúrimizdi nasıhattap qana qoımaı, jastardyń oı-órisin damytýǵa da yqpal etedi.