Derekter negizinde ákimshilik hattamalar toltyryldy.
22 shilde kúni Almatydaǵy Bostandyq aýdany ákimdigi janynan qurylǵan kámeletke tolmaǵandardyń isteri jáne olardyń quqyqtaryn qorǵaý jónindegi komısıa reıd ótkizdi, dep habarlaıdy Almaty-akshamy.kz.
Kezekti reıd barysynda beımezgil ýaqytta, ıaǵnı túngi saǵat 23.00-den keıin maqsatsyz kóshe kezip júrgen kámeletke tolmaǵan balalar da belgili boldy.
Anyqtalǵan derekter negizinde ákimshilik hattamalar toltyrylyp, jasóspirimdermen jáne olardyń zańdy ókilderimen profılaktıkalyq áńgimeler júrgizildi.
Sondaı-aq, shaharda úndilik «delta» shtamynyń órshýine baılanysty komısıa músheleri reıd barysynda turǵyndardy kóshede, adam aıaǵy kóp júretin qoǵamdyq oryndarda áleýmettik araqashyqtyqty saqtap, jabyq nysandarda betperde kıip júrýge shaqyryp, qoldy antıseptıkpen jıi súrtip júrý sekildi erejelerdi túsindirdi.
Mamandar osyndaı qarapaıym talaptardyń ózi koronavırýs indetinen qorǵaıtynyn umytpaýǵa shaqyrdy.
